Վերջին շրջանում աշխարհը սկսել է խոսել հարասմենթի մասին. այդ ֆոնին առաջարկում ենք 10 ֆիլմ՝ աշխատանքային սիրավեպերի հիմքով: Ի՞նչի մասին են դրանք. հարասմենթի, թե սիրո. որոշեք ինքներդ:
The Proposal, 2009
Populaire, 2012
Ռոզան ապրում է հոր հետ: Նա մեքենագրուհի է: Աղջիկը շատ պարտաճանաչ է և սիրում է ամեն ինչում լինել առաջինը: Մեքենագրության քննությունը լավ հանձնելուց հետո նրա միապաղաղ կյանքը միանգամից փոխվում է: Նա աշխատանքի է ընդունվում Լուիս անունով մի տղամարդու մոտ՝ որպես մեքենագրուհի: Եվ ինչպես կարելի է անկնկալել, նրանք սիրահարվում են: Սիրահարված կինը ամեն բան կանի, որ չհիասթափեցնի իր սիրելիին: Միասին նրանք ուժեղ են, միասին նրանք կարող են ամեն բան, միասին նրանք կգերեն աշխարհը և կստիպեն բոլորին լսել իրենց անունը:
Les émotifs anonyms, 2010
Ժան-Ռենեն և Անջելիկան շատ ամաչկոտ մարդիկ են. նրանք ամեն անգամ մարդկանց հետ խոսելիս կարմրում են և իրենց անհարմար զգում, բայց երկուսն էլ սիրում են շոկոլադը և այն զգացողությունները, որ վերջինս արթնացնում է իրենց մեջ: Նրանք սիրահարվում են, բայց միայն միմյանց կորցնելու վախն է ստիպում խոստովանել զգացմունքների մասին:
Служебный роман, 1997
Այս խորհրդային լիրիկական կոմեդիան նկարահանվել է 1977թ.-ին և 1978թ.-ին դարձել կինոթատրոններում դիտողականությամբ առաջինը: Սիրո յուրատեսակ պատմություն է «տղամարդ կին» ղեկավարի և երկու երեխաների միայնակ հայր աշխատակցի միջև՝ համեմված կոլորիտային նուրբ հումորով, երկրորդ պլանի ոչ պակաս հետաքրքիր կերպարներով: Ֆիլմում տեսնում ենք սովետական կոլեկտիվի հետաքրքիր փոխհարաբերությունները, ժամանակշրջանի տիպիկ ղեկավարի կերպարն ու հասարակ՝ բոլորի համար նույն սերը, որը կարող է փոխել կնոջը անճանաչելիության աստիճանի:
Testről és Lélekről, 2017
Մարիան և Էնդեն կոլեգաներ են: Ի զարմանս իրենց՝ նրանք իմանում են, որ նույն երազներն են տեսնում: Ճակատագի՞ր, թե՝ ուղղակի պատահականություն:
The Ugly Truth, 2009
Ասում են. «Ատելությունից սեր ընդամենը մեկ քայլ է»: Այսպիսին է մեր հերոսների պատմությունը: Նրանք միմյանց ատում են. Մայքը բռի կնամոլ է, իսկ Էբին՝ ինքնահավան և մեծամիտ: Երկուսն էլ աշխատում են հեռուստաընկերությունում, և մի օր նրանց «բախտ է վիճակվում» միասին աշխատելու: Պատկերացրեց Էբիի տրամադրությունը՝ չէ որ նա երդվել է մինչև կյանքի վերջ ատել Մայքին: Բայց մի օր նրանք դադարում են պայքարել ծնունդ առած և զարգացող այդ զգացմունքի դեմ, և փոխում են միմյանց վերաբերյալ պատկերացումները: Գլխավոր դերերում են, կանանց սիրելի, Ժերար Բաթլերը և Քեթրին Հայգլը: Բաթլերի կերպարի հիմքում ամերիկյան դերասան և հաղորդավար Ադամ Կարոլլան է:
New in Town, 2008
(500) Days of Summer, 2009
2009 թվականին ռեժիսոր Մարկ Ուեբը հանրությանն է ներկայացնում իր «Ամառվա 500 օրերը» ֆիլմը, որի կենտրոնում է Թոմ անունով մի երիտասարդ: Նրա կյանքը փոխվում է, երբ հայտնվում է Սամերը: Գեղեցիկ, խարիզմատիկ աղջիկը գերում է երիտասարդին և մեկընդմիշտ փոխում նրա կյանքը: Մարդիկ կարծում են, թե ամենավառ աստղերը ամենաշուտն են խամրում: Այդպես եղավ այս երկուսի դեպքում: Միանգամից ծնունդ առած զգացմունքը դրդում է Թոմին մտածել, որ աղջիկը հենց այն միակն է, բայց արդյո՞ք դա այդպես է: Տխուր է, երբ սիրահարները բաժանվում են. տղան փակվում է ինքն իր մեջ, կորցնում կանանց նկատմամբ հավատը և ինքն իրեն խոսք տալիս, որ այլևս երբեք չի սիրահարվի, բայց ինչպե՞ս ապրել առանց սիրո:
La délicatesse, 2011
![La Délicatesse” de David & Stéphane Foenkinos | Angle[s] de Vue](https://i2.wp.com/www.anglesdevue.com/wp-content/uploads/2011/12/LaDlicatesse7-e1324859046462.jpg?fit=900%2C409&ssl=1 "La Délicatesse” de David & Stéphane Foenkinos | Angle[s] de Vue")
Մի օր գեղեցկուհի Նատալին առանց պատճառի ու դրան որևէ նշանակություն տալու համբուրում է իր կոլեգային՝ երիտասարդ Մարկուսին: Կատարվածը գլուխնիվայր փոխում է երիտասարդի կյանքը. նա սկսում է ապրել Նատալիի անունը տալով և նրա մասին մտածելով: Բայց գեղեցկուհին ոչ մի կերպ ուշադրություն չի դարձնում երիտասարդի վրա:
After the Ball, 2014
Քեյթը երազում է դիզայներ դառնալու մասին. նա տաղանդավոր է և շատ յուրօրինակ ճաշակ ունի, սակայն ամեն ինչ այդքան էլ հեշտ չէ: Քեյթի հայրը զբաղվում է պատրաստի հագուստի առք ու վաճառքով, բայց աղջիկը ցանկանում է իր սեփական մտահղացումները կյանքի կոչել: Այս ամենի հետ մեկտեղ բոլորովին անսպասելիորեն նա հանդիպում է իր երազանքների տղամարդուն. գուշակեք, թե որտեղ:
