ՀՀ նախագահական նստավայրում այսօր հաճելի իրարանցում էր. կառավարությունը պարգևատրեց 2019 թվականի տասը լավագույն մարզիկներին:
Արթուր Ալեքսանյանը , Ռուբեն Ալեքսանյանը, Արթուր Ավետիսյանը, Հովհաննես Բաչկովը, Սլավիկ Գալստյանը, Տիգրան Կիրակոսյանը , Արսեն Հարությունյանը, Սիմոն Մարտիրոսյանը, Գոռ Մինասյանը և Հակոբ Մկրտչյանը մրցանակաների հետ մեկտեղ ստացան նաև 5-ական մլն. դրամ խրախուսական պագևավճարներ:
Նիկոլ Փաշինյանը հանդես եկավ ելույթով՝ շեշտելով, որ սպորտի զարգացումը ռազմավարական նշանակություն ունի Հայաստանի համար: Վարչապետի խոսքով՝ հայ մարզիկների հաջողությունները ոչ միայն պարծանքի ու հպարտության առիթ են տալիս հայ ժողովրդին, այլ նաև վստահություն ներշնչում: Հայ մարզիկները իրենց կերպարով օրինակ են դառնում գալիք սերունդի համար: Իսկ մինչև 2050 թվականը 25 Օլիմպիական մեդալ նվաճելը գուցե անիրատեսական կարող է թվալ, սակայն իրական մարզիկը կոչված է կյանքի կոչելու անհնարինը: Փաշինյանի խոսքով՝ կառավարությունը այսուհետ մշտապես կանգնած է լինելու սպորտի կողքին ու օժանդակելու է դրա զարգացմանը:
Ֆիզիկական կուլտուրայի և սպորտի բնագավառում ունեցած մեծ վաստակի համար Եվրոպայի և աշխարհի բազմակի, Օլիմպիական խաղերի չեմպիոն Արմեն Նազարյանին պարգևատրվեց Հայրենիքին մատուցած ծառայությունների համար «Առաջին աստիճանի մեդալով»:
«Վերջապես հեղափոխությունը հասավ նաև սպորտին: Ուրախ եմ այս պարգևի համար, ես 24 տարի է սպասում էի: Ինձ համար պատիվ է նման պարգևի արժանանալը Հայաստանում: Շնորհակալ եմ բոլորից, որ չեն անտեսում մեր աշխատանքը: Մեր մարզիկների էլ մաղթում եմ նորանոր բարձունքներ»:
ՀՀ վաստակավոր մարզիչի կոչումներ ստացան նաև Արմեն Մկրտչյանը (ծանրամարտ), Գառնիկ Ալեքսանյանը (ծանրամարտ), Կարեն Կարապետյանը (ծանրամարտ), Արշակ Հայրապետյանը (ազատ ոճի ըմբշամարտ) ու Կարեն Բաղդասարյանը (սպորտային մարմնամարզություն):
- 27