Նոյեմբերի 19-ին «Hellbound» հարավկորեական մինի սերիալը դարձել է Netflix հոսքային ծառայության ամենաշատ դիտվող նախագիծը։ Այն առաջ է անցել Netflix-ի նախորդ հիթից՝ «The Squid Game»-ից։ «Helbound»-ը թողարկվելուց մեկ օր անց ավելի քան 80 երկրում գլխավորել է վարկանիշները: Ֆիլմի ռեժիսորը Յոն Սա Հոն է:
The Guardian-ը գրում է, որ հարավկորեական մինի-սերիալը դարձել է Netflix-ի ամենահայտնի նախագիծը՝ վկայակոչելով FlixPatrol ծառայության տվյալները։
Հետաքրքիր փաստեր «Hellbound» մինի սերիալից
1. «Hellbound-ը հիմնված է հարավկորեական համանուն կոմիքսների վրա, որը ստեղծվել է հատուկ սմարթֆոնների համար (webtoon): Գործողությունները տեղի են ունենում 2023 թվականին: Մարդիկ սկսում են կանխատեսումներ ստանալ իրենց մահվան ճշգրիտ ամսաթվով։ Գերբնական էակներ են հայտնվում մեղավորներին դժոխք տանելու համար: Այն, ինչ տեղի է ունենում, հանգեցնում է զանգվածային հիստերիայի և կրոնական ֆանատիզմի աճի:
2. Սերիալն ունի 50 րոպեանոց 6 դրվագ։
3. Սա առաջին կորեական դորաման է, որը ցուցադրվել է Տորոնտոյի կինոփառատոնում։
4. Պատմությունը հրապարակվել է Naver-ում և մեծ աղմուկ ու ժողովրդականություն է վայելել հենց սկզբից:
5. Սերիալի փորձնական պրեմիերան տեղի է ունեցել Տորոնտոյի միջազգային կինոփառատոնում հեռուստասերիալի Primetime ծրագրում 2021 թվականի սեպտեմբերի 9-ին։
6. «Hellbound»-ը հայտնվել է Netflix-ի լավագույն տասնյակում՝ թողարկումից հետո 24 ժամվա ընթացքում:
7. Ֆիլմը հրավիրվել է 2021 թվականի հոկտեմբերին կայանալիք BFI Լոնդոնի 65-րդ կինոփառատոնին մասնակցելու:
8. Netflix-ի սերիալն ամբողջությամբ նկարահանված է Հարավային Կորեայում։
9. 2021 թվականի փետրվարի 25-ին Hellbound-ի ռեժիսորն ու դերասանական կազմը հեռուստասերիալը ներկայացրել են Netflix-ին:
10. «Hellbound» դրաման ունի բազմաթիվ յուրահատուկ կերպարներ։ Այն ավելի հետաքրքիր է դարձել շնորհիվ այնպիսի ավագ դերասանների, ինչպիսիք են՝ Yoo Ah-In-ն ու Park Jung-Min-ը: