Մյունխենի «Բավարիան» համաձայնության է եկել Լովրո Զվոնարեկի տրանսֆերի վերաբերյալ՝ հաղորդում է ակումբի մամուլի ծառայությունը:
16-ամյա խորվաթ ֆուտբոլիստը մյունխենյան ակումբ կտեղափոխվի գալիք ամռանը խորվաթական «Սլավեն Բելուպո» ակումբից:
Ֆուտբոլիստն արդեն բուժզննում է անցել ու երկարաժամկետ պայմանագիր կնքել գերմանական ակումբի հետ:
«Բավարիան» ֆուտբոլի պատմության լավագույն ակումբներից է: Հպարտություն եմ զգում, որ ապագայում այստեղ ելույթ ունենալու հնարավորություն եմ ստանալու»,- ակումբի պաշտոնական կայքը մեջբերում է թիմի նորեկի խոսքը: