«Արսենալը» պաշտոնապես հայտարարեց «Անտերլեխտի» հենակետային կիսապաշտպան Սամբի Լոկոնգայի տեղափոխության մասին:
Լոնդոնցիները գործարքի մասին տեղեկություններ չեն հայտնել, միայն նշել են, որ 21-ամյա ֆուտբոլիստի հետ երկարաժամկետ պայմանագիր են ստորագրել:
Ոչ պաշտոնական տեղեկություններով՝ բելգիացու պայմանագիրը նախատեսված է 5 տարով, իսկ տրանսֆերը կազմել է 17,5 մլն եվրո: Դա «զինագործների» պատմության 20-րդ ամենաթանկարժեք տրանսֆերն է: Նույնքան լոնդոնցիները 2000 թվականին «Բորդոյին» վճարել էին Սիլվեն Վիլտորի տեղափոխության համար:
Չնայած երիտասարդ տարիքին՝ Լոկոնգան «Անդերլեխտի» գլխավոր թիմում հասցրել է 78 հանդիպում անցկացնել, որոնցում 3 գոլ է խփել ու 7 գոլային փոխանցում կատարել:
Ավելի վաղ «Արսենալը» 8 մլն եվրոյով «Բենֆիկայից» գնել էր ձախ պաշտպան Նունու Տավարեշի տրանսֆերը:
