«Ռեալ Սոսյեդադի» հարձակվող Ալեքսանդր Իսակը կարող է փոխել ակումբային գրանցումը:
Ինչպես հաղորդում է Mundo Deportivo-ն, Շվեդիայի հավաքականի 21-ամյա ֆուտբոլիստի (24 խաղ, 6 գոլ ընտրանու կազմում) ծառայություններով հետաքրքրված են Մադրիդի «Ռեալն» ու «Մանչեսթեր Սիթին»:
Իսակի տրանսֆերային արժեքը գնահատվում է 70 մլն եվրո:
Պետք է նշել, որ Դորտմունդի «Բորուսիան» ունի ֆուտբոլիստին «Ռեալ Սոսյեդադից» վերադարձնելու իրավունք: Այդ կետն ակտիվացնելու համար հարկավոր կլինի իսպանական ակումբին 30 մլն եվրո վճարել:
Բասկերը, իրենց հերթին, նախատեսում են համաձայնության հասնել գերմանական ակումբի հետ ու զրկել վերջինիս այդ հնարավորությունից: Sport1․de-ի տեղեկություններով՝ այդպիսի գործարքը «Ռեալ Սոսյեդադին» մոտ 10 մլն եվրո կարժենա:
Ակումբը մտադիր է նաև երկարաձգել Իսակի հետ պայմանագրի ժամկետը: Գործող համաձայնագրի ժամկետը կլրանա 2024 թվականի հունիսին:
Շվեդ գոլահարը 2019 թվականի ամռանն է 15 մլն եվրոյի դիմաց Դորտմունդի «Բորուսիայից» տեղափոխվել «Ռեալ Սոսյեդադ»:
Նա Լա Լիգայի 2020/21թթ․ առաջնությունում մասնակցել է 34 հանդիպման և դարձել 17 գոլի ու 2 արդյունավետ փոխանցման հեղինակ:
Իսակը Շվեդիայի հավաքականի կազմում այս օրերին մասնակցում է ԵՎՐՈ 2020-ին: Նա հունիսի 5-ին խաղադաշտում 72 րոպե էր անցկացրել նաև Հայաստանի հավաքականի դեմ ընկերական մրցավեճում (3-1):
10 անգամ թանկ գին. «Բարսելոնան» ցանկանում է ձեռք բերել իր նախկին ֆուտբոլիստի տրանսֆերը
