«ՌԲ Լայպցիգը» պաշտոնապես հայտարարել է, որ 2021/22 մրցաշրջանից սկսած թիմի գլխավոր մարզիչն է լինելու Ջեսի Մարշը, որը հիմա մարզում է «Ռեդ Բուլ Զալցբուրգը»: Ամերիկացու հետ ստորագրել են 2 տարվա պայմանագիր:
47-ամյա Մարշը փոխարինելու է Յուլիան Նագելսմանին, որը հուլիսի 1-ից գլխավորելու է «Բավարիան»:
2018/19 մրցաշրջանում Մարշը եղել է «Լայպցիգի» գլխավոր մարզիչ Ռալֆ Ռագնիկի օգնականը: Մինչև այդ ամերիկացին երեք տարի գլխավորել է «Ռեդ Բուլին» պատկանող մեկ այլ ակումբ՝ «Նյու Յորք Ռեդ Բուլզը»:
Նախորդ մրցաշրջանում Մարշը «Զալցբուրգի» ղեկին դարձել է Ավստրիայի չեմպիոն ու գավաթակիր, իսկ այս տարի մոտ է այդ նվաճումը կրկնելուն: