«Չելսին» առաջիկա ամռանը մտադիր է լրջորեն թարմացնել թիմի կազմը:
Ինչպես տեղեկացնում է Sunday World-ը, լոնդոնյան ակումբը 2 թոփ տրանսֆեր կարող է իրականացնել՝ հաջորդ մրցաշրջանին ընդառաջ: Աղբյուրի փոխանցմամբ՝ թիմի գլխավոր մարզիչ Տոմաս Տուխելը խնդրել է ակումբի ղեկավարությանը գնել «Ինտերի» ռմբարկու Ռոմելու Լուկակուին և «Բորուսիայի» եզրային հարձակվող Ջեյդոն Սանչոյին:
Ավելի վաղ հաղորդվում էր, որ «Բորուսիան» դեմ չէ վաճառել Ջեյդոն Սանչոյին, բայց որոշ պայմանների բավարարման դեպքում:
