Գերմանիայի 2-րդ Բունդեսլիգայի 33-րդ տուրում «ՌԲ Լեյպցիգը» 2:0 հաշվով հաղթեց «Կարլսրուեին» և մրցաշարի ավարտից 1 տուր առաջ ապահովեց տեղը Գերմանիայի Բունդեսլիգայում:
Նշենք, որ «ՌԲ Լեյպցիգը» հիմնադրվել է 2009 թվականի մայիսի 19-ին և առաջին անգամ է ելույթ ունենալու Գերմանիայի Բունդեսլիգայում:
Ակումբը ելույթներն սկսել է 5-րդ լիգայից և 7 տարվա ընթացքում 4 անգամ նվաճել է հաջորդ լիգայի ուղեգիր:
Հատկանշական է, որ «ՌԲ Լեյպցիգը» հանդես է գալիս «Ռեդ Բուլի» հովանավորչությամբ:
