Թվային աշխարհը զանգվածային վերափոխման է ենթարկվում: Տեխնոլոգիան արագացնում է նորարարությունները, ճարպկությունը և բիզնեսի աճը: Covid-19 համաճարակն առաջացրել է արագ թվայնացում և ավտոմատացում, ինչը հնարավորություն է տվել բիզնեսին կայուն լինել նույնիսկ ճգնաժամային պայմաններում: Շատ ձեռնարկություններ ընդունել են առաջընթաց տեխնոլոգիաները և փոխել իրենց բիզնեսի մոդելները՝ փոփոխվող տեմպին համընթաց շարժվելու համար: Առաջադեմ տեխնոլոգիան կշարունակի փոխակերպել մեր կյանքն ու աշխատանքը` ստեղծելով մեծ հնարավորություններ ամբողջ աշխարհի արդյունաբերության համար:
Ահա 2021 թվականի լավագույն տեխնոլոգիական միտումները՝
Կիբերանվտանգություն
Թվային միգրացիան բարելավում է բիզնեսը, բայց նաև կիբերանվտանգության մարտահրավերներ է ստեղծում: Կիբերանվտանգության աճող սահմանափակումները պետք է լուծվեն կարևոր ռազմավարություններով: Կիբերանվտանգության ցանցը նոր, զարգացող տենդենց է, որը բավարարում է կիբերանվտանգության ներկայիս կարիքներն ինչպես իրական, այնպես էլ վիրտուալ տարածքում:
Կիբերանվտանգության ցանցի միջոցով կարող եք բարձրացնել անվտանգությունն ամենուր, այնտեղ որտեղ գտնվում են ձեր հիմնական ակտիվները, աշխատակիցներն ու սարքերը: Այս ռազմավարությունը թույլ է տալիս կենտրոնացնել անվտանգության քաղաքականությունը կատարողականի բաշխված չափանիշներով: Ներկայիս գործող էկոհամակարգը կիբեռանվտանգության ցանցի մեծ շահառուն կլինի: Այն կապահովի տեղեկատվության մատչելիությունը և կարող է ավելի արագ հայտնաբերել կիբերհարձակումներն ու խախտումները, քան նախքին անվտանգության համակարգը:
Բլոքչեյն
Բլոքչեյն ասելիս պատկերացնում ենք Bitcoin-ի նման կրիպտո արժույթներ: Այո, դրանք հարթակ են տրամադրում թվային արժույթների ապակենտրոնացված պահպանման և գործարքների համար:
Բայց դրանք նաև հնարավորություն են տալիս տարբեր սեկտորների պահեստավորման և գործարքների իրականացման համար`վերացնելով կենտրոնացված հսկողությունը և երրորդ կողմերի միջամտությունները: Բլոքչեյնը կարող են օգտագործել առողջապահության, ֆինտեխի, մանրածախ առևտրի, էլեկտրոնային առևտրի և այլ ծաղկող արդյունաբերություններ: Ֆինանսների բաշխումը բանկային հատվածի առաջիկա զարգացումն է , որը պայմանավորված է բլոքչեյնով: Այն ապահովում է թվային գործարքների թափանցիկությունը՝ առանց անվտանգությունը խաթարելու:
Հիբրիդային ամպեր
«Ամպային» լուծումները բարելավում են բիզնեսի արդյունավետությունը՝ ապահովելով տվյալների հասանելիությունն ու ընդարձակելիությունը ցանկացած վայրից, ցանկացած պահի: Հիբրիդային ամպերը կարող են բարելավել փորձը՝ համատեղելով ինչպես պետական, այնպես էլ մասնավոր ամպային հարթակները և տեղային գույքային համակարգերը: 2021 թվականին մենք ականատես կլինենք հիբրիդային ամպերի կտրուկ աճի:
Հիբրիդային ամպերի ՝ մասնավոր և տեղային ենթակառուցվածքներում տվյալների փոխանակման և պաշտպանման ունակությունը պարզեցնելու է բիզնեսի գործառնությունները:
Արհեստական բանականություն
Արհեստական բանականությունն անընդհատ զարգանում է ՝ տարբեր կարողությունների հասնելու համար: Գալիք տարիներին կտեսնենք Artificial Intelligence-ի՝ AI- ի զարգացումը՝ բիզնեսի ավելի լավ կանխատեսումների, տրամադրությունների վերլուծության և արդյունաբերական ավտոմատացման ապահովման գործում: Ավտոմատացումը մեծ կազմակերպությունների համար այժմ անհրաժեշտություն է դարձել:
AI-ի միջոցով ավելի հեշտ է դառնում հասկանալ հաճախորդի միտումներն ու վարքը: AI-ի շուկայում աճը կբարձրացնի տարբեր ոլորտների աշխատատեղերի հնարավորությունները:
Քննարկումները շարունակվում են էթիկական AI-ի, կանաչ AI-ի, հուզական AI-ի և շատ այլ ոլորտներում, հետևաբար գալիք տարիներին ականատես կլինենք AI-ի հեղափոխական զարգացումներին: