Ժամանակն այնքան աննկատ և արագ է անցնում, որ չենք հասցնում նկատել, թե ինչպես ենք մեծանում, ինչպես է մեր տարիքին ամեն տարի ևս մեկ թիվ ավելանում։ Իսկ ահա, երբ տեսնում ենք մեր մանկության հայտնի աստեղին, որոնք արդեն հատում են 40 տարեկանի շեմքը, շատ ավելի ակներև է դառնում ժամանակի աննկատ ձեռքը։
Այս 10 հայտնիներն այս տարի՝ 2021 թվականին, կդառնան ուղիղ 40 տարեկան։
Ջասթին Թիմբերլեյք
1981, հունվարի 31
Ջասթին Թիմբերլեյքը ծնվել է 1981 թվականի հունվարի 31-ին Թենեսի նահանգի Մեմֆիս քաղաքում։ Նրա ծնողները՝ Ռենդալ Թիմբերլեյքը և Լին Հարլեսը, ամուսնալուծվել են 1985 թվականին, երբ նա 5 տարեկան էր։ Նրա հայրը եկեղեցական երգչախմբում դիրիժոր է եղել: Իր հոր երկրորդ ամուսնությունից հետո Թիմբերլեյքն ունի երկու խորթ եղբայր՝ Ջոնաթանը (ծնվ․ 1993 թ․) և Սթիվեն Ռոբերտը (ծնվ․ 1998 թ․ օգոստոսի 14-ին)։ Նրա խորթ քույրը՝ Լաուրա Քեթրինը, մահացել է ծնվելուց շատ կարճ ժամանակ հետո՝ 1997 թվականին: Նրա մասին Թիմբերլեյքը հիշակատել է «*NSYNC» ալբոմում։
Բեյոնսե
1981, սեպտեմբերի 4
ԲԵյոնսե Ժիզել Նոուլզը ծնվել է Տեխաս նահանգի Հյուսթոն քաղաքում, վարսավիր և գեղեցկության սրահի տեր Թինա Նոուլզի և Մեթյու Նոուլզի ընտանիքում։ ԲԵյոնսեի փոքր քույրը՝ Սոլանժը նույնպես երգչուհի է և Դեսթինիս Չայլդի հիմնադիր անդամ։
Դեռ մանուկ հասակում երգչուհին մասնակցել է տարբեր երաժշտական և պարի մրցույթների, դպրոցում մասնակցել է գեղարվեստական մրցույթների։ Նոուլզը հայտնի է դարձել 1990-ական թվականների վերջին, լինելով կանացի Destiny’s Child R&B խմբի անդամ։
Ջեսիկա Ալբա
1981, ապրիլի 28
Ջեսիկա Ալբան ծնվել է 1981 թվականի ապրիլի 28-ին ԱՄՆ-ի Կալիֆորնիա նահանգի Պամոնա քաղաքում՝ Քեթրին (օրիորդական ազգանունը Ենսեն) և Մարկ Ալբայի ընտանիքում։ Ջեսիկայի մայրն ունի դանիական և ֆրանկոկանադական ծագում, իսկ հայրը ամերիկացի է՝ մեքսիկական ծագումով: Ունի փոքր եղբայր՝ Ջոշուա անունով։ Հոր կարերիայի պատճառով (ռազմական օդաչու) ընտանիքը նախքան Կալիֆորնիա վերադառնալը ստիպված էր ապրել Միսսիսիպի նահանգի Բիլոնսկի և Տեխաս նահանգի Դել Ռիո քաղաքներում։ Մանկության ու պատանեկության տարիներին Ջեսիկան բազմիցս հիվանդություններ է տարել. նա երկու անգամ հիվանդացել է ատելեկտազով, տարին 4-5 անգամ թոքաբորբով, նշագեղձերի բորբոքումով: Այդ պատճառով էլ նա մեկուսացած էր իր հասակակիցներից և գրեթե ընկերներ չուներ։ Աղջիկը տառապում էր նաև կպչուն վիճակների համախտանիշով: Սակայն ընտանիքի՝ Կալիֆոռնիա տեղափոխվելուց հետո աղջկա վիճակը բարելավվում է։
Նատալի Փորտման
1981, հունիսի 9
Նատալի Փորթմանը ծնվել է 1981 թվականի հունիսի 9-ին Երուսաղեմում, Ավներ Հերշլագի ու Շելլի Սթիվենսի ընտանիքում։ Նատալիի հայրը անպտղության բուժման ու վերարտադրողական էնդոկրինոլոգիայի մասնագետ էր, Հոֆստրայի բժշկական դպրոցի (Hofstra North Shore — Long Island Jewish School of Medicine at Hofstra University) մանկաբարձության ու գինեկոլոգիայի ամբիոնի պրոֆեսոր։ Նա Երուսաղեմի Հադասայի հրեական համալսարանի բժշկական դպրոցի շրջանավարտ էր։ Նատալի Փորթմանի մայրը եղել է տնային տնտեսուհի, իսկ ներկայումս դստեր գործակալն է։ Դերասանուհու մոր նախնիները հրեաներ էին Ռուսաստանից ու Ավստրո-Հունգարիայից. նրանք գաղթել են ԱՄՆ ու իրենց Էդելշտեյն ազգանունը փոխարինել Սթիվենս ազգանունով։
Պիտբուլ
1981, հունվարի 26
Պիտբուլը ծնվել է Ֆլորիդայի Մայամի քաղաքում։ Երեք տարեկանում արդեն կարդում էր Կուբայի ազգային հերոս և պոետ Խոսե Մարտիի բանաստեղծությունները։ Ռեփերը կարիերիայի սկզբում խնդիրների առջև կանգնեց, քանի որ սպիտակամորթ էր՝ կապույտ աչքերով, հարավային նահանգից և կուբայացի։ Նրա վրա մեծ ազդեցություն է ունեցել փոփ երաժշտության Miami bass ժանրը, իսկ Սելիա Կրուսն ու Վիլլի Չիրինոն դարձան նրա երաժշտության ոգեշնչման աղբյուրները։
Սերենա Ուիլյամս
1981, սեպտեմբերի 26
Սերենա Ուիլյամսը ծնվել է ԱՄՆ Միչիգան նահանգի Սեգինոու քաղաքում, Ռիչարդ Ուիլյամսի և Օրիսին Փրայսի ընտանիքում և Փրայսի 5 դուստրերից ամենաերիտասարդն է։ Նրա հարազատ քույրը Վենուսն է, իսկ խորթ քույրերը՝ Ետունդեն, Լինդրեան և Այշան։Սերենան 4 տարեկանում թենիս է սկսել խաղալ Կալիֆորնիայում, որտեղ տեղափոխվել է նրա ընտանիքը։ Այն ժամանակվանից մինչ այժմ Սերենայի ծնողները մարզում են նրան։ 9 տարեկանում Ուիլյամսն ընդունվել է Ռիկ Մակիի թենիսի ակադեմիա։ Սերենան 10 տարեկան էր, երբ հայրը նրան դուրս բերեց ակադեմիայից՝ դպրոցի դասերի վրա կենտրոնանալու, ինչպես նաև ռասայական խնդիրների պատճառով։
Ռամի Մալեք
1981, մայիսի 12
Ռամին Մալեքը ծնվել է Լոս Անջելեսում: Ծնողները ղպտիներ են՝ ծնունդով Եգիպտոսից։ Դերասանը կիսով չափ հույն է: Հայրը աշխատել է Կահիրեում՝ որպես էքսկուրսավար: Ռամին ունի երկվորյակ եղբայր՝ Սամի անունով։ Ռամին նրանից մեծ է 4 րոպեով։ Դերասանը նաև ունի ավագ քույր։ Սովորել է Կալիֆորնիայի Notre Dame High School-ում։ 2003 թվականին ավարտել է Էվանսվիլի համալսարանը (Ինդիանա նահանգ) և ստացել է բակալավրի աստիճան՝ կերպարվեստի բնագավառում։
Բրիթնի Սփիրս
1981, դեկտեմբերի 2
Բրիթնի Սփիրսը ծնվել է 1981 թ.-ի դեկտեմբերի 2-ին Լուիզիանա նահանգի Քենվուդ քաղաքում։ Մայրը՝ Լին Այրեն Բրիջեսը, հանրակրթական դպրոցի նախկին ուսուցչուհի, իսկ հայրը՝ Ջեյմս Փարնել Սփիրսը, մասնագիտությամբ խոհարար և ինժեներ է։ Եղբայրը՝ Բրայան Սփիրսը, աշխատում է որպես մենեջեր, 2009 թվականին ամուսնացել է։ Քույրը՝ Ջեյմի Լինը, սերիալների դերասանուհի է և քանթրի երգչուհի։
Քրիս Էվանս
1981, հունիսի 13
Կապիտան Ամերիկան ևս անցնում է 40 տարեկանների շարքը։
Քրիստոֆեր Ռոբերտ Էվանսը ծնվել է 1981 թվականի հունիսի 13-ին Սադբերիում, Մասսաչուսեթս, նրա մայրը՝ Լիզան, զբաղվում էր պարերով, իսկ հայրը՝ Բոբ Էվանսը, ատամնաբույժ է։ Քրիսն ունի երկու քույր և մեկ փոքր եղբայր՝ Սքոթ Էվանսը, որը նույնպես դերասան է։
Դպրոցն ավարտելուց հետո որոշում է իրականացնել իր վաղեմի երազանքը՝ դառնալ դերասան, այդ նպատակով էլ մեկնում է Նյու Յորք հեռուստասերիալների քասթինգներին մասնակցելու համար։Քրիս Էվանսի դերասանական առաջին դերերից են Ջեյք Ուայլերը «Ոչ մանկական ֆիլմ»-ում (2001 թ.), Ռայանը «Բջջային» ֆիլմում (2004 թ.), Կայլը «Բարձրագույն միավոր» կատակերգությունում (2004 թ.)։
Էլայջա Վուդ
1981 Հունվարի 28
Մատանիների տիրակալը»-ը ֆիլմի կապուտաչյա հերոսը այս տարի կդառնա 40 տարեկան։ Էլայջա Վուդը ծնվել է Այովա նահանգի Սիդար Ռեփիդս քաղաքում: Եղել է Ուորրենա և Դեբբի Վուդերի երկրորդ երեխան: Էլայջան ունի ավստրալիական, գերմանական, դանիական և անգլիական արմատներ: Նա կաթոլիկ է: Ունի մեկ եղբայր՝ Զակ Վուդը, ով վիդեոխաղերի պրոդյուսեր է (ծնված 1974 թվականին), և մեկ քույր՝ Հաննա Վուդը (ծնված 1984 թվականին), բանաստեղծուհի և դերասանուհի (նա երկրորդական դեր է ունեցել Էլայջիի մի քանի ֆիլմերում): Մանուկ հասակում Էլայջան իր հայրենի քաղաքում դաշնակահարուհի Մարլեն Լոֆտսգարդենի հետ անցկացրել է դաշնամուրի դասեր: Նա եղել է շատ եռանդուն երեխա, որի համար էլ նրան հաճախ անվանում էին Spark Plug, նույն ինքը «Կապիկ», որովհետև Էլայջան սիրում էր մագլցելով ինչ-որ տեղ բարձրանալ կամ իջնել: Երբ Էլայջան սկսում է նկարահանվել կինոյում, նրա ընտանիքն Այովայից տեղափոխվում է Լոս Անջելես: 1996 թվականիին նրա ծնողներն ամուսնալուծվում են, և հայրը կրկին վերադառնում է Այովա: Երկար ժամանակ դերասանն ապրել է Լոս Անջելեսում, իսկ ավելի ուշ՝ Նյու Յորքում:
աղբյուր՝ People