Երևանը կընդունի սպորտային մարմնամարզության 2027 թվականի Եվրոպայի առաջնությունը, հայտնում է Հայաստանի մարմնամարզության ֆեդերացիան:
«Հայաստանի Հանրապետության կառավարության բարձր հովանու ներքո, Հայաստանի մարմնամարզության ֆեդերացիայի նախագահ Գագիկ Վանոյանի և իր թիմի ջանքերով 2027 թվականին կայանալիք տղամարդկանց և կանանց սպորտային մարմնամարզության Երոպայի առաջնությունը կկայանա Երևանում:
Շնորհակալություն ենք հայտնում մարմնամարզության Եվրոպական ֆեդերացիայի նախագահին, նախագահական խորհրդի Գործադիր կոմիտեին և տեխնիկական կոմիտեի նախագահներին այս ընտրության համար:
Անելու ենք առավելագույնը՝ Երևանում կայանալիք առաջնությունը դարձնելու անմոռանալի: Բարի գալուստ Երևան»,- ասվում է Հայաստանի մարմնամարզության ֆեդերացիայի մամուլի ծառայության հաղորդագրության մեջ:
