VBET Հայաստանի գավաթի ընթացիկ խաղարկությունում առաջին խոշոր անակնկալը գրանցվեց: Քառորդ եզրափակչի առաջին խաղում Առաջին խմբի ներկայացուցիչ «Վեստ Արմենիան» 2-0 հաշվով վստահ հաղթանակ տոնեց VBET Հայաստանի Պրեմիեր լիգայի առաջատարներից մեկի՝ «Արարատի» նկատմամբ:
Քառորդ եզրափակիչ առաջին հանդիպումների ամենաուշագրավ իրադարձությունները ներկայացնում ենք 10 փաստի տեսքով:
1․ VBET Հայաստանի գավաթի քառորդ եզրափակիչ առաջին հանդիպումներում դաշտի տերերն ու հյուրերը 2-ական հաղթանակ տոնեցին: Գավաթի ընթացիկ խաղարկությունում կայացած 15 հանդիպումներից 6-ում հաղթել են դաշտի տերերը, 5-ում հաջողությունն ուղեկցել է հյուրերին, 4 խաղում էլ գրանցվել է ոչ-ոքի:
4 խաղում խփվեց 9 գոլ: Անցկացված 15 հանդիպումներում գրանցվել է 34 գոլ (միջինը մեկ խաղում՝ 2,26 գոլ):
2․ «Արարատը» գավաթի ընթացիկ խաղարկությունում առաջին պարտությունը կրեց, որը 30-րդն էր անցկացրած 103 հանդիպումներում: Այդ պարտություններից 10-ն արարատցիները կրել են գավաթի վերջին 7 խաղարկություններում անցկացրած 16 խաղերում:
3․ «Ալաշկերտը» գավաթի ընթացիկ մրցաշարում անցկացրած 3-րդ խաղում էլ հաղթեց: Գավաթի մրցաշարերում ալաշկերտցիները խոշոր հաշվով 3-րդ հաղթանակը տոնեցին: Առաջինը գրանցվել էր 2015/16թթ. մրցաշարում, որում «Ալաշկերտը» 4-0 հաշվով հաղթել էր «Արարատին»: 2017/18թթ. խաղարկությունում ալաշկերտցիները տոնել էին ամենախոշոր հաշվով հաղթանակը՝ 6 անպատասխան գնդակ ուղարկելով «Արցախի» դարպասը:
Թարմ մտքեր ու գրավիչ թիմ տրանսֆերային շուկայում. Ինչու է Զայցևը եկել Հայաստան
4․ Գործող գավաթակիր «Նոան» գավաթի մրցաշարերում 3-րդ անգամ մրցեց «Ուրարտուի» հետ ու կրկին հաղթեց: Այդ հանդիպումներում «Նոան» ընդհանուր առմամբ 5 գոլ է խփել, սեփական դարպասը բաց է թողել ընդամենը մեկ գնդակ: Գավաթի մրցաշարերում «Նոան» արդեն 6 խաղ անպարտելի է՝ տոնելով 5 հաղթանակ, «Արարատ-Արմենիայի» հետ եզրափակիչ խաղը շահելով հետխաղյա 11մ հարվածաշարում (հիմնական և լրացուցիչ ժամանակից հետո հաշիվը 5-5 էր):
Վերջին պարտությունը գավաթի մրցաշարերում «Նոան» կրել է 2019թ. նոյեմբերի 7-ին՝ քառորդ եզրափակչի պատասխան խաղում նվազագույն հաշվով զիջելով «Ալաշկերտին»: Այդ ժամանակ թիմը կրում էր «Արցախ» անվանումը, իսկ գլխավոր մարզիչը Ռաֆայել Նազարյանն էր: