«Միլանը» սկսել է փոխարինող փնտրել հարձակվողական ոճի կիսապաշտպան Հական Չալհանօղլուի համար: Թուրքի պայմանագրի ժամկետը սպառվում է ամռանը, իսկ կողմերը չեն կարողանում նորը համաձայնեցնել: «Ռոսոներիներն» իրենց առաջարկը բարձրացրել են մինչև տարեկան 4 մլն եվրո, սակայն օրերս 27-ամյա ֆուտբոլիստը գլխապտույտ առաջացնող առաջարկ է ստացել Կատարից, որտեղ պատրաստ են նրան տարեկան 10 մլն եվրո վճարել:
Tuttosport-ը տեղեկացնում է, որ «Միլանն» արդեն փոխարինող է փնտրում կիսապաշտպանին և դիտարկում է երեք թեկնածուի: Նրանցից մեկը Հայաստանի հավաքականի ու «Ռոմայի» առաջատար Հենրիխ Մխիթարյանն է: Իտալական գրանդին հատկապես գրավում է այն հանգամանքը, որը 32-ամյա ֆուտբոլիստն ամռանն ազատ գործակալ է դառնալու:
«Ռոսոներիները» դիտարկում են նաև Յոսիպ Իլիչիչի («Ատալանտա») և Ռոդրիգո դե Պաուլի թեկնածությունները: Արգենտինացու տրանսֆերը գնահատվում է 35-40 մլն եվրո:
Մխիթարյանի տրանսֆերը Ռայոլան առաջարկել է գրանդ ակումբների. մեկը լրաջորեն դիտարկում է այն
