Vnews-ը Ձեզ է ներկայացնում 4 սերիալ, որոնք ռետրո շնչով կլցնեն ձեր երեկոները: Դրանք ոճային են, գունեղ, հետաքրքիր ու ինտրիգային:
Mad Men
«Безумцы»
Նյու Յորքի մի գովազդային գործակալությունում են աշխատում ֆիլմի հերոսները: ԱՄՆ, 1960-70-ականներ, գովազդային բիզնես, քոփիրայթինգ, սիգարետ, ալկոհոլ, գեղեցիկ ոճային կանայք և տղամարդիկ, գործնական և նեղանձնական հարաբերություններ, խնդիրներ, հաղթանակներ և սեր ու ատելություն: Հրաշալի ֆիլմ ներշնչանքի և դրա բացակայության, հավատի, դժբախտության, անհոգիության և հոգեղենության մասին:
Դոն Դրեյփերը գովազդային ընկերության տնօրենն է: Նա մեծ հաջողությունների է հասել, ընտանիք ունի, երեխաներ, սիրուհիներ… բայց չունի երջանկության զգացողություն, ներքին հանգստություն: Ներսից մի բան նրան տանջում է, ինքն էլ տանջում է հարազատներին, սիրելիներին և կողքին գտնվող բոլոր մարդկանց: Այս սերիալը ցուցադրում է այդ տարիների Ամերիկայի ողջ հմայքն ու դատարկությունը: Ոճային ու գեղեցիկ սերիալ, որը դիտելով նաև կարող եք որոշակի գիտելիքներ ձեռք բերել գովազդային շուկայի մասին:
Սերիալը էկրաններ է բարձրացել 2007-ին: 4 տարի շարունակ Emmy է ստացել՝ որպես տարվա լավագույն դրամատիկ սերիալ. սա բացարձակ ռեկորդ է:
«Why Women Kill»
«Почему женщины убивают»
Սա բավականին յուրօրինակ սև կատակերգություն է, որը պատմում է 3 բոլորովին տարբեր կանանց մասին: Տարբեր սյուժետային գծերով, բայց ընդհանուր թեմայով` այս սերիալի գործողությունները տեղի են ունենում տարբեր ժամանակաշրջաններում, միևնույն տանը, նույն խնդրի հետևանքով առաջացած 3 զոհով:Կանացից յուրաքանչյուրն իր սերնդի ներկայացուցիչն է: Հիմնական հերոսները հիանալի գիտեն, թե ինչ են ուզում կյանքից, բայց դրան հասնում են տարբեր ձևերով:
Նրանցից մեկը 60-ականներից մի տնային տնտեսուհի է: Նա շատ երազկոտ է, նվիրված ամուսնուն ու կենցաղին: Հերոսուհին հույս չունի կյանքի լուրջ փոփոխությունների, ուստի փորձում է ընտելանալ ստեղծված իրավիճակին և ամեն կերպ ջանում է գոհացնել ամուսնուն, բայց գործողությունները այնպես են դասավորվում, որ նա ստիպված է լինում դիմել արդեն իսկ վերնագրից կանխորոշող քայլերի…
Երկրորդ գլխավոր դերակատարը 80-ականներից է, որին, ի դեպ, մարմնավորում է Լյուսի Լյուն: Փայլուն Սիմոնան վարում է գլամուրային կյանքն իր ամբողջ նիստուկացով, բոլոր երեկույթների կիզակետում է իր ոճով, համարձակ է և ընկերասեր: Թվում է, թե նա իդելական կյանք ունի, սակայն նույնիսկ այսպիսի տպավորիչ կինն էլ է տխրում ու հուսահատվում՝ իմանալով ամուսնու դավաճանության մասին, ոչ ավել ոչ պակաս տղամարդու հետ: Կրկնակի հարված…
Երրորդ հերոսուհին առավել ծանոթ կլինի ժամանակակից հեռուստադիտողներին, քանի որ նա մեր ժամանակների երիտասարդ սերնդի ներկայացուցիչ է:
«Boardwalk Empire»
«Подпольная империя»
Սերիալի հեղինակը, պրոդյուսերն ու գլխավոր սցենարիստը «Սոպրանոների» սցենարի համար Emmy մրցանակի արժանացած Թերենս Վինթերն է, իսկ առաջին մասի ռեժիսորը՝ լեգենդար Մարտին Սկորսեզեն:
1920-ականներ, «Չոր օրենքի» ժամանակաշրջան, Ատլանտիկ Սիթի՝ հաճույքների և անբարոյականության քաղաք: Ենոքսը կարևոր մարդ է քաղաքում և հեղափոխական վիճակներից փորձելով օգտվել՝ ուզում է ավելի հարստանալ: Սակայն Ենոքսը միակը չէ, ով փորձում է օգտվել «Չոր օրենքից» և խառը քաղաքական վիճակներից: Կրիմինալ պատմություններ, հետաքննություններ, սեր, կանայք. մի խոսքով հրաշալի ֆիլմ, որը ոչ ոքի անտարբեր չի թողնի:
«Masters of Sex»
«Мастера секса»
Ամերիկյան դրամատիկ սերիալ, որի գործողությունները ծավալվում են 1950-60-ականներին: Բժիշկ Ուիլյամ Մասթերսը մարդու սեքսուալ կյանքի ուսումնասիրությամբ զբաղվող գիտախմբի ղեկավարն է: Նրա օգնականն է Վիրջինիա Ջոնսոնը, որի հետ Ուիլյամին կապում է ոչ միայն աշխատանքը…
Նրանք աշխատանքի արդյունքում սկիզբ առավ «սեքսուալ հեղափոխությունը»:
