Logo

Բոլոր ժամանակների 5 լեգենդար երեկույթները

Հեղինակ
Դինա Սամվելյան
17:00 / 26.01.2022ՍՊՈՐՏ
Բացառիկ

Դժոխքների հրեշտակներ

Դժոխքների հրեշտակներ Կեն Կիզիի տանը, զվարճացող Պիկասո և ֆերմերների մի ամբողջ ընտանիքի սպանություն...

Այսօր եկեք հիշենք բոլոր ժամանակների ամենալեգենդար երեկույթները՝

Թրումեն Կապոտեի «Սև և սպիտակ երեկույթը» 

1966 թվականին Թրումեն Կապոտեն հրատարակել է իր «Սառնարյուն սպանություն» ոչ գեղարվեստական ​​վեպը: Գիրքը 2 թափառաշրջիկի մասին է, որոնք ֆերմերների մի ամբողջ ընտանիքի են սպանել Կանզասում: Վեպը, որի վրա Կապոտեն աշխատել է 6 տարի, անմիջապես դարձել է բեսթսելեր: Գրքի և ֆիլմի ադապտացիայի իրավունքը վաճառելուց հետո (մոտ 2 միլիոն դոլար) Կապոտեն որոշել է խնջույք կազմակերպել՝ դարեր անց ակնածանքով հիշվելու ակնկալիքով:

Դարի երեկույթի հյուրերն էին դերասաններ, գրողներ, քաղաքական գործիչներ, լրագրողներ։ Արդյունքում 540 մարդ էր հավաքվել. այդքանը կարող էին տեղավորվել Plaza հյուրանոցի մեծ դահլիճում: Ոգեշնչված «Իմ գեղեցիկ տիկնոջից» (My Fair Lady)՝ Կապոտեն հյուրերին խնդրել էր ներկայանալ սև ու սպիտակ հանդերձանքով և դիմակներով։ Սեփականատիրոջ ցանկությունը անկասկած կատարվել էր. բոլորի դիմակներն այնքան յուրահատուկ էին, որ Նյու Յորքի թանգարանը հավաքել է դրանք հրավիրատոմսերի և զգեստների հետ և ստեղծել հիշատակի արխիվ:

Սև և սպիտակ երեկույթ

«Դժոխքների հրեշտակները» Կեն Կիզիի տանը

Կես դար առաջ Կեն Կիզին, որը դեռևս 30 տարեկանը չբոլորած, 2 նշանավոր վեպ էր գրել: Հայտնի Hells Angels մոտոցիկլետների ակումբից հեծանվորդներին հրավիրում է Սան Ֆրանցիսկոյի լեռներում գտնվող իր տուն: Կիզին 1960-ականների կեսերին ամերիկյան Merry Pranksters-ի առաջնորդն էր (ոչ ֆորմալ ենթամշակութային կոմունա), որը «թթվային հեղափոխության» պատճառ էր դարձել: Այս երեկույթի ժամանակ երիտասարդ գրողը որոշել է կիրթ ու տաղանդավոր խեղկատակներին հակադրել ասոցիալական, միշտ դժվարությունների մեջ հայտնված Հրեշտակներին: Հանթեր Թոմփսոնը, որը մեկ տարի աշխատում էր բայքերական վեպի վրա, նկատել է, որ 2 խումբն էլ այդքան էլ չի տարբերվում իրարից: Երկուսն էլ անարխիստներ էին, ոչ կոնֆորմիստներ և օրենքի հետ կապված դժվարությունների մեջ (հեծանվորդները չարաշահումների մեղադրանքների, իսկ Կիզին և ընկերները՝ մարիխուանա պահելու և օգտագործելու համար): 

Նշանակված օրը մոտ 40 դժողքի հրեշտակ է հայտնվում Կիզիի տանը: Հսկայական տարածքը պատված էր ձայնային ուժեղացուցիչներով. դրանք թաքնված էին բարձրահասակ կարմիր սեքվոյայում, որտեղից հնչում էր Beatles, Rolling Stones և Բոբ Դիլան՝ գրեթե անդադար:

Հրապարակի մյուս կողմում մի հսկա պաստառ կար, որի վրա կարմիր, սպիտակ և կապույտ տառերով գրված էր՝ «Ուրախ կատակասերները ողջունում են դժոխքի հրեշտակներին»: Երեկույթը, ինչպես և սպասվում էր, վերածվել էր դասական «սեքս, թմրանյութեր և ռոքնռոլ»-ի, որտեղ կատաղի զվարճանում էին բիթ (բիթնիկ) սերնդի գլխավոր դեմքերը՝ Ալեն Գինսբերգը, Նիլ Լեոն Քեսեդին, Ռիչարդ Ալպերտը, Հանթեր Թոմփսոնը և դժոխքների հրեշտակները:

Փ. Դիդիի «սպիտակ երեկույթը» 

1998 թվականին P. Diddy կեղծանվամբ Շոն Քոմբսը դեռ ամենաազդեցիկ ռեփերներից չէր, բայց նրա սինգլներն զբաղեցնում էին Billboard-ի առաջին հորիզոնականները՝ դարձնելով հեղինակին Գրեմիի մրցանակակիր: Հարստության ձեռքը «կրակն ընկնելով» Դիդին տուն է գնում Հեմփթոնում, սակայն թաղամասում իրեն այդքան էլ գոհությամբ չընդունեցին: Դիդին հասկացավ, որ իրեն հայտնի դարձնելու միակ միջոցը խնջույք կազմակերպելն է, որտեղ բոլորը սպիտակ հագուստով կլինեն: 

Փ. Դիդին իր տուն էր կանչել հարուստ և հայտնի 75 մարդու՝ հիփ-հոփ պրոդյուսեր Ռասել Սիմոնս, դերասան Քրիս Ռոք, Saturday Night Live շոուի պրոդյուսեր Մարսի Քլայն և այլք: Այդ ամառ ամբողջ Հեմփթոնը խոսում էր երաժիշտի մասին։ White Party-ն դարձել է ամենամյա միջոցառում, որին սպասում էին ականավոր պրոդյուսերներ, երաժիշտներ, դերասաններ, մոդելներ, մի խոսքով, բոլորը։ 

Վուդստոկ/ Woodstock/ 

Ջիմի Հենդրիքսը, The Who-ը, Ջենիս Ջոփլինը, Jefferson Airplane-ը, The Grateful Dead-ը, Դեյվիդ Քրոսբին, Սթիվեն Սթիլսը հավաքվել էին լեգենդար եռօրյա, այնուհետև քառորյա ռոք փառատոնին 1969 թվականին: Կազմակերպիչները խաբել են իշխանություններին՝ պնդելով 50.000 այցելուի մասին, թեև վաճառել են գրեթե 200.000 տոմս։ Արդյունքում՝ համերգին մասնակցել ցանկացողներն այնքան շատ էին, որ արգելապատնեշները հանվել են՝  մուտքը դարձնելով անվճար: Վուդստոկ տանող ճանապարհին խցանումները ձգվել են մի քանի կիլոմետր, հետևաբար մասնակիցները ստիպված են եղել փառատոնին գնալ ոտքով։ Կես միլիոն մոլեգնած ու կատաղի ամբոխին նույնիսկ անձրևն ու ցեխը չեն վախեցրել. մարդիկ շարունակում էին թմրանյութ օգտագործել, մերկ վազվզել այս ու այն կողմ, սիրով զբաղվել բոլորի աչքի առաջ: Չնայած հյուրերի աննախադեպ քանակին, Վուդստոկը շատ խաղաղ էր. 4 օրվա ընթացքում ոստիկանությունը ոչ մի հաղորդում չի ստացել։

Բրունեյի սուլթանի 50-ամյակը  

Երբ դու սուլթան ես, ծննդյանդ օրը դառնում է ազգային իրադարձություն: 1996 թվականին Բրունեյի սուլթան Հաջի Հասանալ Բոլկիահը որոշել է նշել իր 50-ամյակը երկշաբաթյա ընդմիջումով։ Ծրագիրը ներառում էր ռազմական երթ, լայնամասշտաբ պոլո մրցախաղ արքայազն Չարլզի հետ, շամպայնի ու սև խավիարի անսպառ հոսք։ Տոնակատարությունն ավարտվել է Մայքլ Ջեքսոնի համերգով, որին սուլթանը չի ներկայացել։ Խնջույքն արժեցել է մոտ 27 միլիոն դոլար, որից 16 միլիոնը՝ Ջեքսոնինն էր:

Բրունեյի սուլթանի 50-ամյակը  

 

Մեզ կարող եք հետևել նաև Telegram-ում

Հարցում

Աղյուսակներ

Հայաստան, Պրեմիեր Լիգա