Ասեք ո՞ւմ եք «follow» անում ինստագրամում, ասենք՝ ի՞նչ հետաքրքրություններ ունեք, քանի որ երբեմն մեր հետաքրքրությունների մասին պատմում են հենց այն էջերը, որոնց հետևում ենք սոցիալական ցանցերում: Այսուհետ պարբերաբար կներկայացնենք ինստագրամյան էջեր, որոնց #արժեհետևել, ի դեպ, օգտագործելով այս հաշթեգը, մեզ կօգնեք և՛ տեղեկանալ մեր ընթերցողի նախասիրությունների մասին, և՛ լինել ինստագրամյան թրենդների զարկերակին՝ բաց չթողնելով ոչինչ:
Եվ այսպես, 5 էջ, որին #արժեհետևել ինստագրամում:
Travel
@danflyingsolo
«1000 և ավելի օրեր ճանապարհին» սա ճանապարհորդ և լուսանկարիչ Daniel James-ի կարգախոսն է: Արմատներով իսպանացի լուսանկարիչը տարված է նոր տարածքներ բացահայտելով և անընդմեջ նոր մարդկանց հետ ծանոթություններ փնտրելով: James-ի ինստագրամի էջն ունի ավելի քան 17 հազար հետևորդ, որտեղ լուսանկարիչը ներկայացնում է կադրեր ողջ աշխարհից: Ինստագրամի լուսանկարներից բացի ճանապարհորդն իր անձնական բլոգում կիսվում է նաև հետաքրքիր հոդվածներով, տեսանյութերով և պատմում իր արկածային ճանապարհորդություններից մնացած վառ տպավորությունների մասին:
Style
@happilygrey
«Իմ ոճն իմ տրամադրության արտացոլանքն է»,- ասում է Միացյալ Նահանգների Նեշվիլ քաղաքում բնակվող նորաձևության բլոգեր՝ Mary Lawless Lee-ն: Աղջկա խոսքով իր ոճը նա երբեք չի պլանավորում, կրում է այն, ինչ հոգեվիճակում այդ պահին գտնվում է: «Ձևը, որով քայլում ենք, խոսում, կանգնում և ամենակարևորը, այն ինքնավստահությունը, որն ունենք մեր ներսում, հենց այդ ամենն է ստեղծում ոճ»,- կարծում է ֆեշն բլոգերը:Mary Lawless Lee-ն իրեն չի համարում նորաձևության էքսպերտ, նա պարզապես իր ինստագրամում ստեղծում է ունիկալ, չկրկնվող ու օրիգինալ բովանդակություն:
Artist
@pokraslampas
Ռուս արտիստ Pokras Lampas-ը ծնվել է 1991 թվականին Ռուսաստանի Королёв քաղաքում: Արտիստը այսօր ամենապահանջված մեծ հեղինակություն վայելող վայելչագրության (տես՝ calligraphy) նկարիչներից է: Pokras Lampas-ը ակտիվորեն փորձարկում է ժամանակակից վայելչագրության տարբեր ուղղություններ, կիրառելով և համատեղելով իր գիտելիքները փողոցային արվեստից, դիզայնից և տիպաբանությունից: Վայելչագրությամբ զբաղվող արտիստն այսօր համագործակցում է մի շարք հեղինակավոր բրենդների հետ և ինստագրամի էջում ցուցադրում աշխատանքների վերջնական արդյունքը:
Street Art
@incarceratedjerkfaces
Ամերիկացի գրաֆիտի նկարչի գործերը անտարբեր չեն թողնի փողոցային արվեստի սիրահարներին: Դոնաթներ, Պիկաչու, Միկի Մաուս, Հոմեր Սիմսոն և սրանք դեռ մի մասն է այն ամենի, ինչը պատկերված են Նյու Յորքի թաղամասներում: Jerkface նիքնեյմի ներքո ներկայանում է Brian-ը, որի ինստագրամում էլ ցուցադրված են գրաֆիտի արտիստի աշխատանքները:
Entertainment
@artsy
Artsy-ն օնլայն հարթակ է, որտեղ հավաքագրվում է բոլոր ժամանակների արվեստի գործերը: Պորտալի առաքելությունն է համաշխարհային արվեստը հասանելի դարձնելը ցանկացած մեկին համացանցի տիրույթում: Հետևելով Artsy-ի ինստագրամի էջին՝ միանգամից կծանոթանաք արվեստի ամենաթարմ նորություններին, կօգտվեք պորտալի օնլայն ցուցասրահից և ցանկության դեպքում՝ կկարողանաք նաև գնել ձեր նախընտրած արվեստի գործը:
Հիշեցնենք, որ ինստագրամում ակտիվ է նաև VivaroNewsCulture-ի էջը, որի թարմացումները բաց չթողնելու համար կարող եք քլիքել այստեղ` VivaroNewsCulture: Իսկ մեր պատրաստած նախորդ ինստագրամյան հնգյակը՝ այստեղ է: