Հուլիսի 20-ին քանդակագործ և ՀՀ վաստակավոր նկարիչ Յուրի Պետրոսյանի ծննդյան օրն է: Քանդակագործը նշում է իր 77 ամյակը: Յուրի Պետրոսյանը ծնվել է Երևանում: Քանդակագործն ավարտել է Փանոս Թերլեմեզյանի անվան գեղարվեստի ուսումնարանը, 1966թ-ին Երևանի գեղարվեստաթատերական ինստիտուտի քանդակի բաժինը: Յուրի Պետրոսյանը մի շարք դիմաքանդակների, մանրաքանդակների, հուշարձանների հեղինակ է:

Քանդակագործը 1979 թվականին կոմպոզիտոր Արամ Խաչատրյանի հուշարձանի մրցույթում արժանացել է առաջին մրցանակին, որից հետո էլ 1999 թվականին կոմպոզիտորի  արձանը տեղադրվել է համերգասրահի  առջև: Քանդակագործի  աշխատանքները պահպանվում են Հայաստանի ազգային պատկերասրահում, Մոսկվայի Տրետյակովյան, Արևելքի ժողովուրդների արվեստի և Ռիգայի արտասահմանյան երկրների արվեստի թանգարաններում:

Ձեր ուշադրությանն ենք ներկայացնում  5  երևանյան քանդակ, որը հեղինակել է Յուրի Պետրոսյանը:

Արամ Խաչատրյան բրոնզ, գրանիտ 1999 թ

Հովհաննես Այվազովսկի հուշարձան բրոնզ, գրանիտ 2003 թ

Մխիթար Հերացի  2010 թ

Զարթոնք հուշարձան կամ «Պար աղավնվիով» մարմարե հուշարձան, գտնվում է Բուզանդի փողոցում 2004 թ

Տղամարդու դիմաքանդակ 2011 թ