VNews -ը զրուցել է սիրված հաղորդավարուհի Մերի Ներսիսյանի հետ և փորձել պարզել՝ որոնք են նրա ամենասիրելի ֆիլմերն ու գրքերը:
1. Մի՛ գնա / Не уходи / Non ti muovere. 2004
ռեժ.՝Սերջիո Կաստելիտո
դերերում՝ Սերջիո Կաստելիտո, Պենելոպե Կրուս ևն
Հարուստ, հաջողակ, ընատանիքին նվիրված բժիշկն օրերից մի օր հանդիպում է գաղթական մի աղջկա և սիրահարվում, տարվում, ոգեշնչվում: Ի՞նչ անել, ինչպե՞ս վարվել. գնա՞լ սիրո ետևից, թե՞ լսել բանականությանը և վերջ դնել խելահեղ կապին:
Կարդացեք նաև՝ 5 ֆիլմ+5 գիրք. Տաթև Հովակիմյան
2. Բենջամին Բաթոնի առեղծվածային պատմությունը/Загадочная история Бенджамина Баттона/The Curious Case of Benjamin Button, 2008
ռեժ.՝Դեյվիդ Ֆինչեր
դերերում՝Բրեդ Փիթ, Ջուլիա Օրմոնդ ևն
Ֆրենսիս Սքոթ Ֆիցջերալդի վիպակի հիման վրա էկրանավորված «Բենջամին Բաթոնի առեղծվածային պատմությունը» ֆիլմը պատմում է Բենջամին Բաթոն անունով մի տղամարդու մասին, ում պատմությունը սկիզբ է առնում 20-ականներին Նոր Օռլեանում: Առաջին համաշխարհային պատերազմից հետո լույս աշխարհ է գալիս մի տարօրինակ երեխա Բենջամին անունով, ով մանուկ հասակում ուներ տարեց ծերունու տեսք և առողջություն: Մինչ մյուս մանուկները մեծանում էին և զարգանում՝ Բաթոնը ավելի ու ավելի էր երիտասարդանում և ծաղկում: Տղամարդը չէր կարող պայքարել ժամանակի դեմ, և չէր կարող փոխել իրադարձությունների ոչ բնական ընթացքը:
2009 թ. ֆիլմն արժանացել է Օսկարի՝ «Լավագույն դեկորացիաներ», «Լավագույն վիզուալ էֆֆեկտներ», «Լավագույն գրիմ» անվանակարգերում:
Կարդացեք նաև՝ 5 ֆիլմ+5 գիրք. Միքայել Ոսկանյան
3. Բյութիֆուլ/Бьютифул/Biutiful, 2009
ռեժ.՝Ալեխանդրո Գոնսալես Ինյարիտու
դերերում՝Խավիեր Բարդեմ
Ուզբելը հոգ է տանում իր երկու երեխաների մասին: Նա հիվանդ է, շատ հիվանդ: Տղամարդը համակերպվել է իր մոտալուտ մահվան հետ և նա այլևս չի պայքարում: Ի՞նչ է նրան մնում. հիշել անցյալը, միայն հիշել: Ուզբելը շատ սխալներ է գործել, և նրա խիղճը տանջում է իրեն: Նա մի կնոջ հետ է ապրում, որը օգնում է խնամել իր երեխաներին և ճանապարհել Ուզբելին այն աշխարհ:
2010 թ. Խավիեր Բարդեմը արժանանում է «Արծաթյա մրցանակի»՝ «Լավագույն դերասան» անվանակարգում:
Ինյարիտուն շեշտը միշտ դնում է մարդկային դրամայի, խնդիրների, անօգնական կյանքի, մոռացության, մահի, սիրո, պայքարի վրա: Գուցե Ինյարիտուն հնարավորություն է տալիս մեզ գիտակցելու, որ մեր կյանքն այնքան էլ վատը չէ:
Կարդացեք նաև՝5 ֆիլմ+5 գիրք. Մկրտիչ Արզումանյան
4.Աղախնի պատմությունը/ Рассказ служанки/The Handmaidʼs Tale, 2017
ռեժ.՝ Մայք Բարքեր ևն
դերերում՝ Էլիզաբեթ Մոս, Ջոզեֆ Ֆայնս, Յովանն Ստրախովսկի ևն
Սա պատմություն է մտացածին Գաղաադ քաղաքի բնակիչների «սև գործերի» մասին: Գաղաադում իշխում է տոտալիտարիզմը: Ապագայի քաղաքը, սակայն, լուրջ խնդրի առաջ է կանգնած. ծերացման գործընթացը սպառնում է վերջ դնել քաղաքին, քանի որ ազնվաբարո տիկնայք չեն կարողանում երեխա ունենալ: Սա մեծ վտանգ է և Աստծո պատիժ՝ ինչպես հավատացած են բարձր խավի մարդիկ:
Ոչնչացման վտանգից խուսափելու համար քաղաք են բերվել կանայք, որոնք կարողանում են երեխա ունենալ: Նրանց հատուկ սովորեցնում և վարժեցնում են արարողակարգին և իրենց դերին. հերթով բնակվել բարձրաստիճանների տանը և նրանց համար երեխա ունենալ: Երեխան ծնվելուն պես՝ աղջիկներից յուրաքանչյուրը տեղափոխվում է մյուս տուն՝ երեխա ունենալու հաջորդ ընտանիքի համար: Այս գործընթացը շարունակվում է այնքան, քանի դեռ ծննդկանն ի վիճակի է երեխա ունենալ: Աղախինները ստրուկի կյանքով են ապրում. նրանք պատժվում են անհնազանդության ամենափոքրիկ դրսևորման դեպքում էլ:
Հեռուստասերիալի 2-րդ եթերաշրջանում գլխավոր հերոսուհին փորձում է հասկանալ, թե ինչ է ազատությունը և ի՞նչ կլինի, եթե նա իսկապես ազատություն ստանա:
Սերիալի հիմքում է Մարգարետ Էթվուդի 1989 թ. համանուն վեպը:
Սերիալի մի քանի հեղինակավոր մրցանակների է արժանացել:
Կարդացեք նաև՝ 5 ֆիլմ+5 գիրք. Կարեն Խաչատուրով
5.Թղթե տունը/Бумажный дом/La casa de papel, 2017
ռեժ.՝Հեսուս Քոլմենար ևն
դերերում՝Ուրսուլա Կորբերո, Ալվարո Մորտե ևն
Վերջին ժամանակների լավագույն իսպանական սերիալներից մեկի գլխավոր հերոսը Պրոֆեսոր տարօրինակ անունով մի տղամարդ է, որը նպատակադրվել է կողոպուտ կազմակերպել, և եթե հաջողվի, ձեռք բերված գումարը կուղվի սոցիալական կարիքների բավարարմանը: Այս մտահղացումը կյանքի կոչելու համար նա օգնություն է գտնում 8 տարբեր մարդկանց մոտ, որոնք միավորվում են ընդհանուր գաղափարի շուրջ: Բացի գումար վաստակելու նպատակից այս մարդիկ հանցագործությանը մասնակցելու սեփական դրդապատճառներն ունեն:
Սա ինչ-որ նոր և հսկայական բանի սկիզբ է…