1. Սալո, կամ Սոդոմի 120 օր/ Salò o le 120 giornate di Sodoma / Salò, or the 120 Days of Sodom/Сало, или 120 дней Содома
ռեժ.՝ Պիեռ Պաոլո Պազոլինի
դերերում՝ Պաոլո Բոնաչելլի, Ջորջիո Կատալդի ևն
Ֆիլմի գործողությունները դիտողին տանում են իտալական փոքրիկ Սալո ֆաշիստական քաղաք, որտեղ սարսափի ու տառապանքի մեջ ապրող մարդիկ պատրաստվում են իրենց կյանքի ավարտին: Տեղական իշխանությունները հասկանում են, որ իրենց լիազորություններն ավարտվում է, և վերջին ուժերով փորձում են իրենց կրկին կենդանի և ազատ զգալ: Նրանք զվարճանում են այնպես, ինչպես կարող են միայն շատ հարուստ և այլասերված անձինք, մասնավորապես՝ նրանք խոշտանգում և տանջում են անմեղ երիտասարդներին:
2. Արևադարձ / Midsommar/Солнцестояние
ռեժ.՝ Արի Աստեր
դերերում՝ Ֆլորենս Պյու, Ջեք Ռեյնոր, Վիլհելմ Բլոմգրեն
Ամառային արևադարձը հնագույն տոն է, որը բոլոր մշակույթներում պարուրված է խորհրդավոր լուսապսակով: Քաղաքակիրթ աշխարհից կտրված շվեդական բնակավայրում այս օրը անցկացվում են դարավոր ավանդույթներով բացառիկ արարողություններ: Հենց այնտեղ է գնում ամերիկյան մարդաբանների մի խումբ՝ երիտասարդ ուսանողներ: Սակայն նրանց ժամանելուց անմիջապես հետո ընկերները պարզում են, որ տեղական ծեսերը ամենևին էլ անվնաս չեն:
3. Սեր/ Love / Любовь
ռեժիսոր՝ Գասպար Նոե
դերերում՝ Աոմի Մույոկ, Կարլ Գլուսման, Կլարա Կրիստին
Սերը բարու ու չարի սահմաններից վեր է: Սերը գենետիկ պահանջ է: Այն նվեր է ու անեծք: Սերը հիվանդություն է, դեղամիջոց: Սերը մեր կյանքի ամենագեղեցիկն ու ամենասարսափելին է: Սերը հոգիների միահյուսումն է ու մարմինների կապը: «Սերը» հետաքրքիր սեռական մելոդրամա է տղայի, աղջկա և մեկ այլ աղջկա մասին:
4. Պարոն Ոչինչ / Mr. Nobody / Господин Никто
ռեժ.՝ Ժակո վան Դորմել
դերերում՝ Ջարեդ Լետո, Սառա Պոլլի, Դայան Կրյուգեր ևն
Նեմո Ոչ Ոքը մի օր արթնանում ու տեսնում է, որ ծերուկ է դարձել՝ այն էլ վերջին մահկանացուն է, այն էլ հայտնվել է ապագայում: Բոլոր մարդիկ արդեն վաղուց անմահ են դարձել և սիրով հետևում են այն հեռուստաշոուին, որտեղ գլխավոր հերոսը հենց ինքը՝ Նեմոն է…
5. Իմիտացիայի խաղ / The Imitation Game / Игра в имитацию
ռեժ.՝ Մորտեն Տիլդում
դերերում՝ Բենեդիկտ Քամբերբաչ, Կիրա Նայթլի
Անգլիացի մաթեմատիկ Ալան Թյուրինգը փորձում է կոտրել Երկրորդ աշխարհամարտի տարիներին գերմանական Enigma ծածկագրման մեքենայի ծածկագիրը…
