1. Black Mirror, 2011
ռեժ.՝ Օուեն Հարիս, Կարլ Տիբեթս ևն
Իսկ ինչո՞ւ «Սև հայելի»… այն հեռուստացույցների, համակարգիչների, սմարթֆոնների էկրանն է, երբ դրանք անջատված են:
Հեռուստասերիալն անդրադառնում է ապագային սպառնացող խնդիրներին: Ո՞ւր են տանում աշխարհը նորագույն տեխնոլոգիաներն ու դրանց զարգացումը. մասնագետների մի մասը կարծում է, որ տեխնոլոգիական գերհագեցվածությունը միայն դրական ազդեցություն ունի, մյուս մասն էլ վստահ է, որ այն կործանարար է մարդկության համար: Իսկ դուք, դուք ի՞նչ եք կարծում:
2. Նռան գույնը, 1968
ռեժ.՝ Սերգեյ Փարաջանով
Ֆիլմը նվիրված է բանաստեղծ, աշուղ Սայաթ-Նովային, որը ստեղծագործում էր հայերենով, վրացերենով և ադրբեջաներենով: Այս գործով վարպետ Փարաջանովը փորձ է արել բացահայտել և ցույց տալ աշուղի ներաշխարհը: Ռեժիսորը պատմել է նաև Սայաթ-Նովայի սիրո պատմությունը, «խոսել» կրոնի հանդեպ վերաբերմունքի և ազգի հանդեպ ունեցած անսահման մեծ սիրո մասին:
Այս գործը վարպետի այցեքարտերից մեկն է, և սկզբից այն «Սայաթ-Նովա» է կոչվել: Ավելի ուշ ռեժիսորը ստիպված է եղել անվանափոխել այն և վերամոնտաժել ամբողջ ֆիլմը:
3. Vivre sa vie: Film en douze tableaux, 1962
ռեժ.՝ Ժան Լյուկ Գոդար
Գոդարի հաջորդ շքեղ կինոնկարը 1962 թ. «Ապրել իր կյանքով» ֆիլմն է, որի գլխավոր դերում է վարպետի միակ և անկրկնելի մուսան՝ Աննան:
Նանա անունով մի գեղեցիկ աղջիկ եկել է գյուղից, որ գրավի սիրո քաղաքը՝ Փարիզը: Ճակատագրի հետ կատակներ չեն անում. նա կամ քեզ սիրում է, կամ էլ դու նրա աչքի փուշն ես: Նանայի կյանքը չի դասավորվում այնպես, ինչպես նա միշտ երազել է:
Այստեղ ռեժիսորը խոսում է կանացի դրամայի մասին, պատմում նրա տրագիկ ու մինչև սրտի խորքը հուզող պատմությունը:
4. Bom yeoreum gaeul gyeoul geurigo bom. 2003
ռեժ.՝ Կիմ Կի Դուկ
Լեռնային խաղաղ վայրում, որտեղ կյանքը ենթարկվում է բնության ռիթմին, լճի մակերեսին գտնվում է պագոդան։ Նրա բնակիչներն են ծեր վանական բժիշկը և նրա երիտասարդ սանը։ Թեև Բարձրագույն Ճշմարտությունից ծերունուն բաժանում է միայն մահկանացու շերտը, սակայն նա ի զորու չէ կանխել սպասվելիք իրադարձությունները, այնպես, ինչպես ոչ ոք չի կարող կանգնեցնել տարվա եղանակների հերթափոխը։ Այդպես անցնում են գարունը, ամառը, աշունը, ձմեռը, և նորից գալիս է գարուն։
5. Последняя сказка Риты, 2012
ռեժ.՝Ռենատա Լիտվինովա
Ֆիլմն ունի երեք գլխավոր հերոսուհի, որոնք կապված են մեկը մյուսի հետ նույն հոգեվիճակով: Նրանցից յուրաքանչյուրն անընդմեջ մտածում է սիրո, մահվան և երջանկության մասին: