Մեր «5 ֆիլմ+5 գիրք» շարքում ճանաչված մարդիկ ներկայացնում են իրենց սիրված ֆիլմերի և գրքերի հնգյակները: Այս ֆիլմերի և գրքերի շնորհիվ դուք նախ՝ ավելի լավ կճանաչեք հայտնիներին, կհասկանաք նրանց ճաշակն ու մտածողությունը, և հետո՝ կունենաք 5 ֆիլմերի և 5 գրքերի ցանկ, որոնք կարող եք դիտել և կարդալ՝ հարստացնելով ձեր սեփական ֆիլմա-գրքացանկերն ու ազատ ժամանակը:

Այս շաբաթ իր սիրելի գրքերի ու ֆիլմերի հնգյակներով կիսվել է երիտասարդ գրող Լուսին Աթաբեկյանը:

1. 1924 թվականի Հեփվորթի 16

Հեղ.՝ Ջերոմ Դեյվիդ Սելինջեր

Ամերիկացի գրող Ջերոմ Դ. Սելինջերի վիպակը առաջին անգամ հրատարակվել է 1965 թվականի հունիսի 19-ին՝ “The New Yorker” ամսագրում և այդ ժամանակվանից ի վեր այլևս չի վերահրատարակվել: «1924 թվականի Հեփվորթի 16»-ը հեղինակի վերջին հրատարակված  գործն է:

Ստեղծագործությունը ներկայացնում է Սիմոր Գլասի՝ Գլասսների ընտանիքի ավագ որդու, Սելինջերի բազմաթիվ ստեղծագործությունների «կերպարների նամակը»։ 7-ամյա Սիմորը և նրա 5-ամյա եղբայրը՝ Բադին, գտնվում են ամառային ճամբարում, և Սիմորը շատ ծավալուն նամակ է գրում իր ծնողներին…

2. Ի խույզ կորուսյալ ժամանակի

Հեղ.՝ Մարսել Պրուստ

Գրքում ներկայացված են մի շարք վեպեր, որոնք հանդես են գալիս մեկ ընդհանուր վերնագրի տակ` «Կորուսյալ ժամանակի որոնումներում»: Հեղինակը վկայում է, որ վեպերի այս մեծ շարքը մտացածին չէ, քանի որ հոգու արտահայտումն է: Այս ստեղծագործության առաջին մասը գրվել է 1907 թվականին: 15 տարի Պրուստն ապրում է իր նոր տանը, ուր տեղափոխվել էր 1906 թ. վերջին։ Այս ընթացքում անհընդհատ փոփոխություններ է անում իր ստեղծագործության մեջ, որը կենդանացնում է չորս սերունդ ներկայացնող ավելի քան 200 գրական անձանց։

3. Դոկտոր Ֆաուստուս

Հեղ.՝ Թոմաս Ման

1947թ. լույս տեսած «Դոկտոր Ֆաուստը» գերմանական՝ «միջնադարից եկող լեգենդի» հերթական մշակումը չէ:
Թոմաս Մանն այս անգամ փորձ է արել բացահայտելու ազգային ոգի կոչվող երևույթի այնպիսի կողմեր, որոնք հատկապես ժամանակակից աշխարհում դրսևորվել կարող են նաև իբրև ավերում տենչացող քաղաքականություն: Որքանով որ գեղարվեստական հնարանք է կոմպոզիտոր Ադրիան Լևերքյունի կերպարը, նույնքան էլ իրական է երկու համաշխարհային պատերազմների կիզակետում «մոլեգնող»՝ իր ողբերգական Գերմանիան:

4. Ձնե երկիր

Հեղ.՝ Յասունարի Կավաբատա

«Ձնե երկիր» վեպի հեղինակ ճապոնացի գրող Յասունարի Կավաբատան արժանացել է Նոբելյան մրցանակի նաև իր այս ստեղծագործության համար։ Հեղինակի գլուխգործոց համարվող գիրքը պատմում է Տոկիոյից դիլետանտի և գավառացի գեյշայի սիրո մասին։ Գործողությունները տեղի են ունենում Ճապոնիայի հյուսիսային քաղաքներից մեկում գեղատեսիլ գարնանային բնության ֆոնին։

5. Օրը, երբ Բոմոնը ծանոթացավ իր ցավի հետ

Հեղ.՝ Լը Կլեզիո

Ստեղծագործության հեղինակը ֆրանսիացի գրող, Նոբելյան մրցանակի դափնեկիր գրող Լը Կլեզիոն է: Գիրքը հեղինակի առաջին հրատարակված գործերից է:

Լուսինի սիրելի ֆիլմերն են․․․

---