Մեր «5 ֆիլմ+ 5 գիրք» շարքում ճանաչված մարդիկ ներկայացնում են իրենց սիրված ֆիլմերի և գրքերի հնգյակները: Այս ֆիլմերի և գրքերի շնորհիվ դուք նախ՝ ավելի լավ կճանաչեք հայտնիներին, կհասկանաք նրանց ճաշակն ու մտածողությունը, և հետո՝ կունենաք 5 ֆիլմերի և 5 գրքերի ցանկ, որոնք կարող եք դիտել և կարդալ՝ հարստացնելով ձեր սեփական ֆիլմա-գրքացանկերն ու ազատ ժամանակը:
Այս շաբաթ իր սիրելի գրքերի ու ֆիլմերի հնգյակներով կիսվել է Rearrange փոդքասթի հեղինակ Նարեկ Ամիրխանյանը:
1. Մտածիր դանդաղ, որոշիր արագ / Thinking, Fast and Slow
հեղ.՝ Դենիել Կահնեման
Մեր գործողությունները որոշվում են մեր մտքերով: Բայց մենք միշտ վերահսկո՞ւմ ենք մեր մտածողությունը: Նոբելյան մրցանակակիր Դանիել Կանեմանը բացատրում է, թե ինչու ենք մենք երբեմն անխոհեմ բաներ անում, և ինչպես ենք սխալ որոշում կայացնում: Մենք ունենք մտքի երկու համակարգ: «Դանդաղ» մտածողությունը միանում է, երբ մենք խնդիր ենք լուծում կամ խանութում ապրանք ենք ընտրում: Սովորաբար մեզ թվում է, որ մենք վստահորեն վերահսկում ենք այդ գործընթացները, բայց եկեք չմոռանանք, որ մեր գիտակցության ֆոնին անընդհատ գործում է «արագ» մտածողությունը՝ ավտոմատ, ակնթարթային և անգիտակից …
2. Talking to Strangers
հեղ.՝ Մալքոլմ Գլադուել
Պատկերացրեք ձեզ դատավորի տեղում, որը պետք է որոշի՝ գրավով ազատել կասկածյալին: Ձեզ առաջարկվում է կա՛մ պարզապես ծանոթանալ կասկածյալի կենսագրության չոր փաստերին, կա՛մ անձամբ հանդիպել և զրուցել նրա հետ, նայել աչքերի մեջ և տեսնել արձագանքը: Մեզանից շատերը կընտրեն երկրորդ տարբերակը, քանի որ մենք հաճախ անձնական շփման միջոցով ստացված տեղեկատվությունը չափազանց արժեքավոր ենք համարում: Բայց սա, ըստ Մալքոլմ Գլադուելի, մահացու սխալների, անձնական ողբերգությունների, դատական սխալ որոշումների և նույնիսկ համաշխարհային մասշտաբի աղետների պատճառն է:
3. The Undoing Project
հեղ.՝ Մայքլ Լյուիս
Դանիել Կանեմանը տնտեսագիտության ոլորտում Նոբելյան մրցանակի դափնեկիր է և «Մտածիր դանդաղ, որոշիր արագ» գրքի հեղինակը: Ամոս Տվերսկին ամերիկյան հոգեբանական ասոցիացիայի մրցանակի դափնեկիր և “MacArthur” հիմնադրամի գիտաշխատող:
Նրանց համագործակցությունը սկսվեց 1960-ականներին՝ Իսրայելում, երբ երկուսն էլ դասավանդում էին Եբրայական համալսարանում: Նրանք այնքան տարբեր էին: Քանեմանը բավականին զուսպ է և ինքնաքննադատ: Տվերսկին սիրում էր հայտնվել ուշադրության կենտրոնում և կարողանում էր հավասար հիմունքներով շփվել գիտության տարբեր ոլորտների գիտնականների հետ: Նրանց հետազոտությունների արդյունքները ազդեցություն ունեցան մեր կյանքի շատ ոլորտների վրա՝ բժշկությունից և պետական կառավարումից մինչև Ֆինանսներ ու սպորտ:
Կանեմանը և Տվերսկին օգնել են ոչ միայն ձևավորել այն աշխարհը, որում մենք այժմ ապրում ենք, այլև ընդմիշտ փոխել մարդկության մտածելակերպը սեփական մտքի մասին:
4. Thinking in Systems: A Primer
հեղ.՝ Դոնելլա Մեդոուզը
Գիրքը նկարագրում է համակարգված մոտեցման հնարավորություններն ու առավելությունները. ցույց է տալիս, թե որքան կարևոր է ժամանակակից աշխարհում համակարգային մտածողությունը յուրացնելը: Գոյություն ունեցող համակարգերի բազմաթիվ օրինակներ ուղեկցվում են դրանց արդյունավետության վերլուծությամբ և վարքագիծը փոխելու եղանակներով:
Առանձնացված գլուխները նվիրված են համակարգերի կանխատեսելի և անկանխատեսելի վարքի, դրանց կառուցվածքի վերլուծության համակարգված մոտեցմանը, ինչպես նաև ազդեցության հիմնական կետերի որոնմանը` համակարգերի ցանկալի վարքին հասնելու համար:
5. The Black Swan: The Impact of the Highly Improbable
հեղ.՝ Թալեբ Նասիմ Նիկոլաս
Սև կարապը միշտ էլ անսպասելի իրադարձություն է ՝ լուրջ հետևանքներով: Պատերազմը, կատակլիզմները, ականավոր քաղաքական առաջնորդի հանկարծակի մահը կամ հեղափոխական գիտական հայտնագործությունը, այս իրադարձություններից յուրաքանչյուրը կարող է անսպասելիորեն շրջել կյանքն ու փոխել պատմության ընթացքը: Գրքում հեղինակը պատմում է այն դեպքերի մասին, թե ինչպես Սև կարապը դարձավ վճռորոշ երևույթ, ինչ հետևանքների հանգեցրեց նրա հայտնվելը և այլն: Գրողը պատմությունը ներկայացնում է թեթև, հեգնական և համարձակ ձևով:
