1. Головокружение / Vertigo, 1958
ռեժ.՝ Ալֆրեդ Հիչքոք
Պիեր Բուալոյի և Թոմ Նարսեժակի 1954 թ. համանուն գրքի հիման վրա էկրանավորված այս պատմությունը նախկին փորձառու խուզարկու Սքոթի Ֆերգյուսոնի մասին է, որը ցավոք այլևս չի զբաղվում իր սիրելի մասնագիտությամբ: Երբեմնի հաջողակ Սքոթին առաջվանը չէ, սակայն նրա ընկերներից մեկը՝ Գեյվինը խնդրում է հետևել իր՝ անընդհատ ինքնասպանության փորձեր անող կնոջը:
Կկարողանա՞ Սքոթին փրկել ընկերոջ կնոջը հերթական ինքնասպանության փորձից:
2. Persona, 1996
ռեժ.՝ Ինգմար Բերգման
Հայտնի դերասանուհին հանկարծ դադարում է խոսել: Ոչ ոք չի հասկանում, թե ինչ է կատարվում նրա հետ, և հոգեբույժը նրան բուժքրոջ հետ ուղարկում է ծով: Դերասանուհին լռում է և լսում, բուժքույրը անընդհատ խոսում է, և երկու կանանց անհատականությունների միջև սահմաններն աստիճանաբար «պղտորվում են»:
3. Малхолланд Драйв / Mulholland Dr., 2001
Ռեժ.՝ Դեյվիդ Լինչ
Անցյալը մոռանալն անհնար է, նույնիսկ երբ ներկադ սկսում ես նոր էջից:
Ավտովթարի արդյունքում նա կորցնում է հիշողությունը, բայց զգում է, որ ինչ-որ վատ բան է եղել: Երիտասարդ կինն իրեն նոր՝ Ռիտա անունն է վերցնում և սկսում է նոր կյանք, բայց անցյալը երբեք նրան հանգիստ չի տա: Հարցեր որոնց նա չի կարող գտնել պատասխաններ. ո՞վ է Բեթին, ովքե՞ր էին այն տղամարդիկ, որ նրա հետ միասին մեքենայում էին և այժմ ողջ չեն…
4. Նռան գույնը, 1968
ռեժ.՝ Սերգեյ Փարաջանով
Ֆիլմը նվիրված է բանաստեղծ, աշուղ Սայաթ-Նովային, որը ստեղծագործում էր հայերենով, վրացերենով և ադրբեջաներենով: Այս գործով վարպետ Փարաջանովը փորձ է արել բացահայտել և ցույց տալ աշուղի ներաշխարհը: Ռեժիսորը պատմել է նաև Սայաթ-Նովայի սիրո պատմությունը, «խոսել» կրոնի հանդեպ վերաբերմունքի և ազգի հանդեպ ունեցած անսահման մեծ սիրո մասին:
Այս գործը վարպետի այցեքարտերից մեկն է, և սկզբից այն «Սայաթ-Նովա» է կոչվել: Ավելի ուշ ռեժիսորը ստիպված է եղել անվանափոխել այն և վերամոնտաժել ամբողջ ֆիլմը:
5. Человек с киноаппаратом / Man with a Movie Camera, 1929
ռեժ.՝ Ձիգա Վերտով
Կինոխցիկով մարդը լուսանկարում է մարդկանց, վայրեր, առարկաներ: Կինոխցիկը ֆիլմի հենց գործընթացի գլխավոր հերոսն է` օդում, գետնի տակ, իրադարձությունների բուն մասում: Կինո-աչքը, որը դիտում է, նկատում է ամենափոքր նրբությունները՝ գնահատական չտալով և սցենարին չհետևելով: