Ներկայացնում ենք 5 ամենասարսափելի, արյունոտ ու առեղծվածային սերիալները համարձակ կինոսերների համար:
1. Մթնշաղի գոտի / The Twilight Zone, 2019-2020
Ռոդ Սերլինգի դասական ֆանտաստիկ անթոլոգիան պատմում է այլ աշխարհների, այլմոլորակայինների կամ արտասովոր տեխնոլոգիաների մասին։ Չնայած բոլոր տարօրինակ պատմություններն ուղղակիորեն կապված են մարդկային միայնության, դաժանության ու անարդարության հետ։
«The Twilight Zone»-ը իսկական դասական է, առանց որի չէր լինի ոչ «The Outer Limits» նախագիծը, ոչ էլ «Black Mirror»-ը։ Զարմանալիորեն, պատմություններն արդիական են մինչ օրս, և դրանցից շատերն իսկապես վախեցնող են, քանի որ դժվար չէ պատմվածքներում ճանաչել ժամանակակից հասարակությանը։
2. Սև հայելի / Black Mirror, 2011-2019
Բրիտանական դիստոպիկ սերիալը պատմում է նոր տեխնոլոգիական ապագայի վտանգների մասին։ Շոուի յուրաքանչյուր դրվագ առանձին և ամբողջական պատմություն է՝ կապված համացանցի, վիրտուալ իրականության, նոր սարքերի և այլ տեխնոլոգիաների մեր կյանք ներթափանցելու հետ։
The Black Mirror-ն ունի և՛ երգիծական, և՛ վախեցնող պատմություններ: Բայց ամեն մի շարքից հետո ծանր նստվածք է մնում։ Իսկապես, չնայած էկրանին ցուցադրվողի ամբողջ ֆանտաստիկությանը, տեխնոլոգիական աշխարհն ամեն տարի ավելի ու ավելի է նմանվում մերին, կամ՝ հակառակը։
3. Բլրի վրա գտնվող տան ուրվականները / The Haunting of Hill House, 2018
Հինգ երեխա ունեցող ընտանիքը ձեռք է բերում մի հին առանձնատուն, որը կառուցված է ծայրամասում։ Ծնողները ցանկանում են տունը վերանորոգել ու շահավետ տարբերակով վաճառել։ Բայց շուտով նրանք բախվում են այլաշխարհիկ ուժերի հետ, ինչը հանգեցնում է ողբերգության:
Սերիալի սյուժեն տիպիկ սարսափ է հիշեցնում: Իսկ գլխավոր հերոսների կյանքը բացահայտելուց հետո սկսվում է մղձավանջը։
4. Ալֆրեդ Հիչքոքը ներկայացնում է / Alfred Hitchcock Presents, 1955-1962
Հայտնի ռեժիսոր Ալֆրեդ Հիչքոքը միայն գեղարվեստական ֆիլմեր չէ, որ նկարել է։ Իր անթոլոգիայում նա հավաքել է սարսափելի պատմություններ, որոնցից շատերը դարձել են դասականներ։ Շատ սիրված սերիալ է «Rear Window»-ը՝ մի քանի բուժքույրերի մասին, որոնք մարդասպանից փակվել են տանը, բայց մոռացել են փակել նկուղի պատուհանը։
Հիչքոքի գործերը լարվածության անհավանական մթնոլորտ են ստեղծում հենց հակիրճության շնորհիվ։ Գործողությունը ձգված չէ, իսկ սյուժետային գիծը միայն մեկն է: Այսպիսով, դուք չեք կարող պարզապես ձեր հայացքը հեռացնել էկրանից:
5. Հանիբալ / Hannibal, 2013–2015
Սերիալը հեռուստադիտողներին ներկայացնում է ՀԴԲ երիտասարդ սպա Ուիլ Գրեհեմին, որը կարողանում է թափանցել սերիական մարդասպանների զգացմունքների մեջ։ Մեկ այլ գործի վրա աշխատելու համար հոգեբույժ Հանիբալ Լեկտերը նշանակվում է որպես նրա գործընկեր, ով կարողանում է գաղտնի կերպով կատարել բարդ սպանություններ և զարմանալի ուտեստներ պատրաստել իր զոհերից։
Անհավանական գեղեցիկ շարքը պատմում է Թոմաս Հարիսի գրքերի պատմությունը չարաբաստիկ մոլագար Հանիբալ Լեկտերի մասին: Սերիալում դերը փայլուն կերպով կատարել է Մադս Միկելսենը՝ չարագործին ցույց տալով որպես ոճային, խելացի և միևնույն ժամանակ աներևակայելի դաժան։
