Ծովը ներսում/Море внутри/Mar adentro, 2004
Ռեժ.՝ Մայքլ Նյուել
Դերերում՝ Ջովաննա Մեցոջորնո, Բենջամին Բրեդ, Լիվ Շրայբեր ևն
Ֆիլմի գլխավոր հերոսը՝ Ռամոն Սամպեդրոն արդեն 30 տարի է գամված է անկողնուն: Ռամոնն այլևս չի ցանկանում այսպես ապրել, նա ինքնակամ ուզում է հեռանալ կյանքից, սակայն Ջուլիան՝ նրա փաստաբանը և Ռոզան՝ Ռամոնի ընկերուհին հոգ են տանում նրա մասին և հրաժարվում են նրա օգնելուց: Կյանքի ու մահվան պայքար, որի վերջը դեռ չի երևում՝ սա է Ռամոնի կյանքը:
Ֆիլմի հիմքում իրական պատմություն է:
2005 թ. ֆիլմն արժանացել է Օսկարի՝ «Լավագույն օտարալեզու ֆիլմ» անվանակարգում:
Սկաֆանդրը և թիթեռը/Скафандр и бабочка/The Diving Bell and the Butterfly
ռեժ.՝ Ջուլիան Շնաբել
դերերում՝ Մաթյո Ամալրիկ, Էմմանուել Սենյե, Մարի-Ժոզե Քրոզ, Անն Կոնսինյի
«Elle» հանդեսի ֆրանսերեն հրատարակության խմբագիր Ժան-Դոմինիկ Բոբին 1995-ին 45 տարեկանում կաթված ստացավ՝ ամբողջովին անդամալույծ դառնալով, բացի ձախ աչքից։ Այդ աչքը բացել փակելու միջոցով հուշերը պատմելիս Բոբին պերճախոսորեն նկարագրում է իր ներաշխարհի տարբեր կողմերը՝ սեփական մարմնում կալանված լինելու ֆիզիկական տանջանքից մինչև երևակայական պատմություններն այն վայրերի մասին, ուր ինքը միայն մտովի է այցելել։
Շան սիրտը/Собачье сердце
ռեժ.՝ Վլադիմիր Բորտկոն
«Շան սիրտը» խորհրդային հեռուստատեսային սև-սպիտակ կինոնկար է, որի ռեժիսորը Վլադիմիր Բորտկոն։ Նկարահանվել է Միխայիլ Բուլգակովի համանուն վիպակի հիման վրա, 1988 թվականին «Լենֆիլմ» ստուդիայում:
Այն պատմում է մի բժշկի մասին, որը կարևոր և վտանգավոր մի փորձ է անում. նա սովորական մի շանը փոխպատվաստում է մարդկային օրգաններով: Շունը կամաց-կամաց վերածվում է մարդու…
Կանաչ Մղոն/ The Green Mile/ Зелёная миля
ռեժ.՝ Ֆրենկ Դարաբոնտ
Դերերում՝ Թոմ Հենքս, Դեվիդ Մորս
108 ամյա Պոլ Էջկոմբին պատմում է այն տարիների մասին, որ անց է կացրել որպես բանտապան «Սառը լեռ» անվանում ունեցող բանտի մահվան դատապարտվածների բաժնում: Այդտեղ բանդարկյալներին մահապատժի էին ենթարկել, իսկ ճանապարհը, որ տանում էր դեպի էլեկտրական աթոռի սենյակ, պատված էր կանաչ ծածկով: Այդ ճանապարհը հենց դատապարտվածների կողմից անվանվել էր «կանաչ մղոն»։ Այդ բանտ են բերում աֆրո-ամերիկացի հսկա հասակով մի սևամորթի՝ Ջոն Կոֆֆիին, որը, մեղադրվում է երկու աղջիկների բռնաբարության և սպանության մեջ: Իր գերբնական կարողությունների շնորհիվ մի շարք բարի գործերից հետո, հարց է ծագում՝ արդյո՞ք Ջոնն արել է այն, ինչի մեջ մեղադրում են իրեն:
Անփառունակ սրիկաները/Бесславные ублюдки/Inglourious Basterds, 2009
ռեժ.՝ Քվենտին Տարանտինո
դերերում՝ Բրեդ Փիթ, Քրիստոֆ Վալց, Մելանի Լորան ևն
Երկրորդ Համաշխարհային պատերազմի տարիներ, քաոս, դաժան սպանություններ, մարդկային կյանքը ոչինչ չարժի: Ֆրանսիան, ինչպես և շատ երկրներ, շրջափակման մեջ է. ամենուրեք գերմանական զորքեր են, բայց մարդիկ կարողանում են ընդդիմանալ: Ֆրանսիայում ամերիկյան զինվորների մի խումբ հարձակվում է գերմանացիների վրա և սառնասրտորեն սպանում նրանց:
2010 թ. Քրիստոֆ Վալցն արժանացավ Օսկարի՝ «Երկրորդ պլանի լավագույն դերասան» անվանակարգում:
