Որոշ տատիկներ իրենց ժամանակն անցկացնում են հեռուստացույցի առջև կամ մյուս տատիկների հետ զրույցներ վարերով, բայց 87-ամյա Concha Garcia Zaera-ն ունի իր հաճելի հոբբին, որը բավականին անսովոր է իր ընկերների շրջանում: Նա նկարում է և ավելին՝ 87-ամյա տատիկն արվեստի գործեր է ստանում՝ օգտվելով ամերիկյան համաշխարհային կորպորացիայի՝ Microsoft-ի Paint ծրագրից:
Zaera-ն նշել է, որ իրեն համակարգիչ նվիրել են իր երեխաները, իսկ նա նկարչությամբ սկսել է զբաղվել ամուսնուն խնամելու ընթացքում: «Ես ստիպված էի հոգ տանել նրան, ուստի չէի կարող հաճախ տանից դուրս գալ: Սկզբում սկսեցի փոքր բաներ նկարել, մի օր տուն, հաջորդ օրը լեռ և այդպես շարունակ: Քայլ առ քայլ փորձեցի ավելի բարդ դետալներ նկարել և արդյունքը ստացվեց շատ տպավորիչ»:
Տատիկը նաև ակտիվորեն օգտվում է սոցիալական ցանցերից: Facebook-ում իր գլուխգործոցները տեղադրելուց հետո, նրա թոռներից մեկը խորհուրդ տվեց Facebook-ի փոխարեն Instagram օգտագործել: Մարտի 9-ին նա մոտ 300 հետևորդ ուներ: Այժմ ստեղծագործ տատիկին հետևում է ավելի քան 108 հազար մարդ: 87-ամյա Concha Zaera-ի համեստ կարծիքով, իր նկարները մեծ ուշադրություն են գրավում այն պատճառով, որ դրանք շատ պարզ բաներ են պատկերում: