«Բարսելոնայի» պաշտպան Ռոնալդ Արաուխոն մերժել է ակումբի՝ պայմանագիրը երկարաձգելու առաջին առաջարկը:
Ինչպես հաղորդում է Sport.es-ը, երիտասարդ ուրուգվայցին առայժմ չի համաձայնվում նոր պայմանագիր կնքել՝ հույս ունենալով, որ «կապտանռնագույնների» ղեկավարությունն ավելի լավ առաջարկ կկատարի:
Նշվում է, որ կողմերը շարունակելու են բանակցել: Ակումբում մեծ հույսեր են կապում 22-ամյա ֆուտբոլիստի հետ ու մտադիր են շարունակել գործակցությունը:
Հիշեցնենք, որ Արաուխոյի գործող համաձայնագիրը նախատեսված է մինչև 2023 թվականի ամառ:
Լա լիգայի ընթացիկ մրցաշրջանում Ռոնալդն անցկացրել է 16 հանդիպում և խփել 2 գոլ:
