Պետական Էրմիտաժը կվերականգնի ֆրանսիացի նկարիչ Ժան-Մարկ Նատիեի Եկատերինա I-ի դեղնած ու մգացած դիմանկարը։
Թանգարանի գլխավոր տնօրեն Միխայիլ Պիոտրովսկին նշում է, որ այս կերպ թանգարանը հետևում է պատմության մեջ կնոջ նկատմամբ ուշադրության թրենդներին։ «Այս նախագիծն օրինակ է դարձել, թե ինչպես է Էրմիտաժը համապատասխանում արդիականությանը. դա մեր արձագանքն է նորաձև թեմաներին, ինչպես նաև հնարավորություն է հարգանքի տուրք մատուցել բոլոր այն հրաշալի կանանց, որոնց մասին կարող է պատմել մեր թանգարանը», - ասել է նա:
Նկարից կհեռացվի գունաթափված լաքը, հետագայում շերտերը կհեռացվեն, և հեղինակային նկարի բացթողումները կհամալրվեն։
Ժան-Մարկ Նատիեն նկարել է Եկատերինա I-ի դիմանկարը Նիդեռլանդներում՝ 1717 թվականին։ Պետրոս I-ի Փարիզում և Վերսալում գտնվելու ժամանակ Եկատերինա I-ը եղել է Հաագայում, որտեղ Նատիեն նկարել է նրա դիմանկարը։ Նկարն ուղարկվել է Ֆրանսիա՝ Պետրոս I-ին, և կայսերական զույգին այն այնքան է դուր եկել, որ Պետրոս I-ը պատվիրել է նկարչին իր դիմանկարը։
Դիմանկարում թագուհին պատկերված է արծաթագույն բրոկադ զգեստով և կարմիր թավշյա թիկնոցով՝ երեսպատված էրմինով։ Ուշադրությունը կենտրոնացած է Սուրբ Եկատերինայի շքանշանի վրա, որը ստեղծվել է Պետրոսի կողմից 1713 թվականին՝ ի պատիվ իր կնոջ, որը նրան ուղեկցել է օսմանյան բանակի դեմ Պրուտի արշավի ժամանակ։ Պետրոսի օրոք նա շքանշանի միակ սեփականատերն էր։