ԱՄՆ Ֆլորիդա նահանգի Էսկամբիա շրջանում շերիֆի գրասենյակն իր ավտոպարկը համալրել է նոր ավտոմեքենայով՝ 2017 թվականի Chevrolet Corvette Z06-ով։ Սովորաբար նման շքեղություններ իրենց թույլ են տալիս հիմնականում Դուբայի և Աբու Դաբիի ոստիկանական վարչությունները՝ համալրելով իրենց ավտոպարկը թանկարժեք սուպերքարերով՝ Aston Martin, Bugatti.․․
Շերիֆի գրասենյակը նախապես գիտեր, որ նոր պարեկային մեքենան տեղացիներին կարող է թվալ որպես փողի անիմաստ վատնում և վրդովեցնել նրանց։ Սակայն հաղորդվում է, որ մեքենան ձեռք է բերվել կասկածյալի ակտիվների բռնագրավման ժամանակ, որին մեղադրանք է առաջադրվել թմրանյութերի համար:
«Հարկատուների դոլարները չեն օգտագործվել այս մեքենայի ֆինանսավորման համար»,- ասվում է շերիֆի գրասենյակի ֆեյսբուքյան գրառման մեջ։
Ըստ շերիֆի գրասենյակի՝ սպորտային մեքենան չի օգտագործվի հետապնդումների ժամանակ, այլ կօգտագործվի «որպես համայնքի և գերատեսչության մերձեցման գործիք»:
C7 սերնդի Z06-ը համալրված է 6,2 լիտրանոց V8 շարժիչով, որը կարող է զարգացնել 650 ձիաուժ արագություն։
