Իր պարզությամբ և անմիջականությամբ, “Girl with Balloon”-ը («Փուչիկով աղջիկը») անանուն և աշխարհահռչակ նկարիչ Բենքսիի ամենահայտնի կտավներից մեկն է:
Բենքսիի «Փուչիկով աղջիկը» 2017 թվականի հարցման արդյունքում ճանաչվել է Միացյալ Թագավորության ամենասիրելի ստեղծագործությունը` հաղթելով Թերների The Fighting Temeraire-ին, Constable-ի The Hay Wain-ին և Hockney-ի A Begger Splash-ին. այն անհերքելի խորհրդանշական և մշակութային տպավորիչ կերպարի լայն ժողովրդականության վառ հաստատումն է:
Այս գովասանքին է ավելացել 2018 թվականի հոկտեմբերին Sotheby's-ում տեղի ունեցած (կտավն ինքնաոչնչացվել է Լոնդոնի Sotheby's աճուրդում ավելի քան 1 մլն ֆունտով վաճառվելուց հետո) «ոչնչացման» դրամատիկ իրադարձությունը, որը “Girl with Balloon”-ը դարձրեց “Love is in the Bin”, մի ստեղծագործություն, որը գերիշխում էր ամբողջ աշխարհի վերնագրերում, փոթորկեց արվեստի աշխարհը և մեծ աղմուկ բարձրացրեց: Այս ազդեցությունը վերջինիս այցելուների վրա զգալի էր՝ օրեցօր մեծացնելով այս պատկերի և նրա խորհրդավոր հեղինակի ուժը:
Հույս միշտ կա…
«Փուչիկով աղջիկն» առաջին անգամ հայտնվել է որպես օրիգինալ գրաֆիտիի որմնանկար՝ նկարված Shoreditch խանութի մոտ 2002 թվականին, իսկ հետո նույն տարի Լոնդոնի Սաութբանկում՝ այս անգամ ուղեկցվելով «There's Always Hope» մակագրությամբ:
«Փուչիկով աղջիկը» սև-սպիտակ պատկերված փոքրիկ երեխայի նկար է, ով ձեռքը մեկնում է դեպի թելից կախված վառ կարմիր, սրտաձև փուչիկը:
Ինչպես Բենքսիի ստեղծագործություններից շատերը, պատկերը երկիմաստ է և թողնում է դիտողին վերծանելու՝ արդյոք աղջիկը ձեռքը մեկնում է բռնելու փուչիկը թե՞ բաց է թողնում այն: Սա գուցեև մանկության ու անմեղության անխուսափելի կորուստի մետաֆորա/փոխաբերություն/ է:
Կարմիր փուչիկը մանկության և ազատության արքետիպային խորհրդանիշն է, որի հետ կապվում են մեզանից շատերը: Այն ավելին է, քան սովորական մանկական խաղալիքը՝ անմեղություն, երազանքներ, հույս և սեր:
«Փուչիկով աղջկա» կերպարը լայնորեն օգտագործվել և հաճախակի վերանայվել է Բենքսիի կարիերայի ընթացքում: Տարիների ընթացքում տարբեր լրատվամիջոցներում թողարկվել են կտավի և բնօրինակների տարբեր հրատարակություններ՝ նպատակ ունենալով աջակցելու այս կամ այն սոիալական արշավներին՝
2005 թվական՝ West Bank
2014 թվական՝ սիրիացի փախստականների ճգնաժամ
2017 թվական՝ Մեծ Բրիտանիայի ընտրություններ
Վերջին անգամ «Փուչիկով աղջկա» նոր տարբերակը հայտնվել է Լուիզ Միշելի վրա, նավակի վրա, որը Բենքսին ձեռք է բերել Եվրոպայում փախստականներին փրկելու նպատակով: