Մաքոլեյ Կալկինը («Տանը մենակ») միացել է իսպանացի ռեժիսոր Գալդեր Գազտելու-Ուրուտիայի՝ համաճարակի մասին պատմող «Rich Flu» թրիլլերի դերասանական կազմին, հայտնում է Variety-ն։
Նախագծում դերերից մեկը կկատարի Դանիել Բրյուլը։ Գլխավոր հերոսուհուն կմարմնավորի Ռոզամունդ Փայքը:
Սոցիալական թրիլլերի սյուժեն հիմնված է մահացու հիվանդության վրա, որը սկսում է սպանել մոլորակի ամենահարուստ մարդկանց։ Սկզբում դա հարվածում է միլիարդատերերին, հետո՝ միլիոնատերերին։ Շարունակվող իրադարձությունները հանգեցնում են հարուստների խուճապի, որոնք փորձում են ազատվել իրենց հարստությունից։
«Rich Flu»-ն կլինի ռեժիսորի երկրորդ լիամետրաժ ֆիլմը։