Անցյալ տարի տեղի ունեցավ ամերիկյան «Sex and the City» հեռուստասերիալի շարունակության՝ «And Just Like That…» սերիալի երկար սպասված պրեմիերան։ Չնայած այն հանգամանքին, որ պրոդյուսերներն անմիջապես հայտարարեցին, որ Քիմ Քեթրոլը հրաժարվել է նկարահանվել, երկրպագուները մինչև վերջ հույս ունեին, որ դերասանուհին դեռ կհայտնվի նախագծում։
Քիմ Քեթրոլը նոր հարցազրույցում խոստովանել է, որ իրեն չեն էլ հրավիրել սերիալի շարունակությունում նկարահանվելու։ «Ինձ երբեք չեն խնդրել մասնակցել շարունակությանը: Այդ մասին (շարունակության մասին) իմացել եմ ինչպես բոլորը՝ սոցցանցերից»,- ասել է դերասանուհին։
Նա նաև նշել է, որ հրաժարվել է «Sex and the City» ֆիլմի երրորդ մասի նկարահանումներից, քանի որ հասկացել է, որ պատմությունն իրեն սպառել է:
«Դա մեծ իմաստություն է՝ իմանալ, թե երբ է պետք դադար տալ», - ասել է աստղը։