Ուկրաինայում ստեղծված իրավիճակի ֆոնին ֆրանսիական գրախանութներում ռուս և ուկրաինացի գրողների ստեղծագործությունների պահանջարկն աճել է. այդ մասին գրում է Le Monde-ը։
Ինչպես թերթին պատմել են գրախանութների տերերը, վերջին շաբաթներին ընթերցողներին սկսել են ավելի շատ հետաքրքրել Դոստոևսկու, Տոլստոյի, Գոգոլի, Բուլգակովի, Գրոսմանի, Պուշկինի, ինչպես նաև ժամանակակից ռուս և ուկրաինացի գրողների ստեղծագործությունները։
Le Monde-ը նշել է, որ ֆրանսիացիների մոտ նման հետաքրքրություն առաջացել է ուկրաինական հակամարտության արդյունքում, և գրականության օգնությամբ ընթերցողները ցանկանում են հասկանալ այս ճգնաժամի ծագումը։