Տիգրան Պետրոսյանի անվան շախմատի տանն ընթացող Հայաստանի Բարձրագույն խմբի տղամարդկանց առաջնության 5-րդ տուրն ի հայտ բերեց միանձնյա առաջատարին:
Հաղթելով Զավեն Անդրիասյանին, Մանուել Պետրոսյանը 3,5 միավորով միանձնյա գլխավորեց մրցաշարային աղյուսակը:
3-ական միավորով առաջատարին հետապնդում են Շանթ Սարգսյանը, Հայկ Մարտիրոսյանը, Սամվել Տեր-Սահակյանը, Արման Փաշիկյան ու Հովհաննես Գաբուզյանը:
Սարգսյանը հաղթեց Տիգրան Հարությունյանին, Գաբուզյանը պարտության մատնեց Դավիթ Շահինյանին, Փաշիկյանի և Տեր-Սահակյանի մրցախաղն ավարտվեց ոչ-ոքի, Մարտիրոսյանն էլ հաշտություն կնքեց Ղարիբյանի հետ:
Առաջին հաղթանակը տոնեց Տիգրան Պետրոսյանը՝ առավելության հասնելով Արման Միքայելյանի նկատմամբ, որը 2-րդ անընդմեջ պարտությունը կրեց:
