Ֆուտբոլային հայտնի գործակալ Մինո Ռայոլան առողջական խնդիրներ ունի:
Ինչպես տեղեկացնում է La Gazzetta dello Sport-ը, իտալացին հոսպիտալացվել է և վիրահատության ենթարկվել Միլանի հիվանդանոցներից մեկում:
Գլխավոր բժիշկ Ալբերտո Զանգրիլյոն հայտնել է, որ վիրահատությունը պլանավորվել էր վաղուց: Ներկայումս 54-ամյա գործակալը գտնվում է բժիշկների հսկողության ներքո:
Հավելենք, որ Ռայոլան այնպիսի հանրահայտ ֆուտբոլիստների գործակալն է, ինչպիսիք են Հենրիխ Մխիթարյանը, Պոլ Պոգբան, Զլատան Իբրահիմովիչը, Ջանլուիջի Դոնարուման, Էրլինգ Հալանդը, Մատեյս Դե Լիգտը և այլն: