Շախմատի Հայաստանի կանանց առաջնության 4-րդ տուրում Նարե Առաքելյանը, որ նախորդ տուրում առաջին պարտությունն էր կրել, հաղթելով Աննա Խաչատրյանին, Սուսաննա Գաբոյանի հետ 3 միավորով գլխավորեց մրցաշարային աղյուսակը: Գաբոյանը հաշտություն կնքեց Մարիամ Ավետիսյանի հետ:
2,5-ական միավորով առաջատարներին հետապնդում են Մարիա Գևորգյանն ու Մարիամ Մկրտչյանը, որոնք պարտության մատնեցին համապատասխանաբար Աստղիկ Հակոբյանին և Նարինե Գասպարյանին:
Առաջին հաղթանակը տոնեց Վերոնիկա Խաչատրյանը, որը մրցում էր Ասյա Եդիգարյանի հետ:
