Ամերիկահայ նկարիչ Տիգրան Ձիթողցյանը սոցցանցերի իր էջերում հրապարակել է իր գերիրական աշխատանքներից մեկը` մակագրելով` «Mirror S»:
Նկարը յուղաներկ է:
Տիգրան Ձիթողցյանը ծնվել է Երևանում։ Նկարել սկսել է 5 տարեկանից։ Առաջին անհատական ցուցահանդեսն ունեցել է 10 տարեկանում՝ Հենրիկ Իգիթյանի առաջարկով, որտեղ ներկայացրել է շուրջ 102 յուղաներկ նկարներ, որոնք ցուցադրվել են նաև Իսպանիայում, Ռուսաստանում, Ճապոնիայում, ԱՄՆ-ում։
1993-1999 թվականներին սովորել է Երևանի գեղարվեստի պետական ակադեմիայում, այնուհետև կրթությունը շարունակել է Շվեյցարիայի École Cantonale d'Art du Valais-ում։
2009 թվականից հաստատվել է Նյու Յորքում։
Տիգրանը Երևանում տուն-արվեստանոց է կառուցել և արդեն ցուցահանդեսներ ունեցել: