Բաժիններ

ԼՐԱՑՈՒՑԻՉ

    • ՍՊՈՐՏ

World Land Trust կազմակերպության ներկայացուցիչներն այցելել են Կովկասյան կենսաբազմազանության ապաստարան

Բրիտանական World Land Trust կազմակերպության ներկայացուցիչները Հայաստանում են։ Նրանք այցելել են Կովկասյան կենսաբազմազանության ապաստարանի (CWR) պահպանվող տարածքներ՝  գործընկեր Վայրի բնության և մշակութային արժեքների պահպանման հիմնադրամի (FPWC) իրականացրած աշխատանքներին ծանոթանալու։

Հիմնադրամի տնօրեն Ռուբեն Խաչատրյանի ուղեկցությամբ՝ գործընկերները շրջել են ապաստարանում, այցելել ծառատունկ իրականացված տարածքներ, ինչպես նաև ծանոթացել արջերի փրկության, էկոտուրիզմի, համայնքների զարգացման և մի շարք այլ ծրագրերին։ Հիմնադրամի աշխատակիցները ներկայացրել են գործընկերներին Կովկասյան կենսաբազմազանության ապաստարանի տեսլականը և գործողությունների պլանը՝ առ 2030 թվականը։ World Land Trust-ի ներկայացուցիչները ծանոթացել են նաև խնդիրներին և քննարկել հնարավոր լուծման տարբերակները:

 World Land Trust 1

«Մեզ համար շատ կարևոր է, որ մեր գործընկերները ծանոթանան այն բոլոր ծրագրերին, որ իրականացնում է Վայրի բնության և մշակութային արժեքների պահպանման հիմնադրամն իր որդեգրած առաքելության շրջանակներում։ Ուրախ եմ, որ մեր գործընկերները տպավորված էին կատարված աշխատանքով և պատրաստ են շարունակել աջակցել մեզ՝ իրականացվելիք ծրագրերի շրջանում ի նպաստ Հայաստանի կենսաբազմազանության պահպանության»,-նշեց Ռուբեն Խաչատրյանը։

World Land Trust-ի կենսաբազմազանության պահպանության բաժնի տնօրեն Ռիչարդ Քաթբերթն առաջին անգամ է Հայաստանում։

«Հայաստանի մասին շատ եմ լսել, և բոլոր սպասելիքներս արդարացան՝ Վայրի բնության և մշակութային արժեքների պահպանման հիմնադրամի կատարած հսկայածավալ աշխատանքների և նվիրումի առումով։ Շատ տպավորված եմ այն ամենով, թե ինչքան լավ են կատարվում աշխատանքները»,- նշեց նա։

 World Land Trust 2

World Land Trust-ի Պահպանության ծրագրերի մենեջեր Շարլոթ Բեքհեմը հասցրել է մի քանի անգամ լինել Հայաստանում։

«Ամեն այցիս ընթացքում տեսնում եմ այն զարգացումը, որը տեղի է ունեցել նախորդ այցերից հետո։ Տարիներ առաջ, երբ առաջին անգամ այստեղ էի եկել,  Կովկասյան կենսաբազմազանության ապաստարանի տարածքում ոչինչ չկար, իսկ այսօր ամեն ինչ այլ է։ Շատ տպավորիչ է տեսնել, թե ինչի եք հասել այս ընթացքում»,-նշեց նա։

World Land Trust-ի ներկայացուցիչները ցանկություն ունեն վերադառնալ և ավելի երկար ժամանակահատվածով ուսումնասիրել նախագծերը և հնարավոր համագործակցության ընդլայնումը։

Նշենք, որ World Land Trust-ը տարիներ շարունակ աջակցում է Վայրի բնության և մշակութային արժեքների պահպանման հիմնադրամի Կովկասյան կենսաբազմազանության ապաստարանի ծրագրերին։ Բրիտանական կազմակերպությունը հիմնադրվել է 1989 թվականին, զբաղվում է վտանգված տարածքների պահպանությամբ։ Այն աջակցում է ծրագրերի իրականացմանն ավելի քան 20 երկրներում։

Մեզ կարող եք հետևել նաև Telegram-ում
    • Ընթերցեք նաև

Հետևելով Դուբայի օրինակին․ Ֆլորիդայում ոստիկանական բաժանմունքն իր ավտոպարկը համալրել է 650 ձիաուժ հզորությամբ C7 Corvette Z06-ով

  • 13

«Ալիսան» սովորել է օգնել սմարթֆոնների և կենցաղային տեխնիկայի ընտրության հարցում

  • 18

Ընդլայնված իրականության Mojo Lens ոսպնյակները հաջողությամբ փորձարկվել են. դրանք փորձարկել է ընկերության հիմնադիրը

  • 44

Լրտեսելու միջո՞ց. ԱՄՆ-ում ցանկանում են արգելել TikTok-ը

  • 44

Համացանցում հայտնվել է PlayStation VR 2-ի առաջին «կենդանի» լուսանկարը

  • 49

Համստերները գրավում են տիեզերքը. կրծողն օդապարիկով թռել է ստրատոսֆերա (տեսանյութ)

  • 38

15 հայտնի զույգ, որոնց, կարծես, բաժանել են հիվանդանոցում

  • 808

Volvo կաբրիոլետի վարորդը մեքենան վարել է «Սուպերմենի» դիրքով

  • 53

«АвтоВАЗ-ի աշխատակիցները Lada Vesta-ի փոխարեն զենք կհավաքեն  

  • 45

Դոլարի և եվրոյի փոխարժեքը մոսկովյան բորսայում հասել է յոթ տարվա ընթացքում նվազագույնին

  • 56

Բրիջիթ և Էմանուել Մակրոն. անսովոր սիրո պատմություն

  • 2674

Կիսասափրված գլուխ և զգեստ-տրանսֆորմատոր․ Բելլա Հադիդը՝ Marc Jacobs-ի շոուին

  • 88

«Ֆորտ Բոյարդ» հեռուստաշոուում այլևս կենդանի վագրեր չեն լինի․ դրանք կփոխարինվեն վիրտուալ 3D մոդելներով (տեսանյութ)

  • 127

Hyundai-ն պատրաստվում է Tesla Model 3-ի մրցակցի պրեմիերային․ նոր լուսանկարներ

  • 61

Apple-ը մեկ տարվա ընթացքում կթողարկի նոր iPhone, iPad, Apple Watch և Mac

  • 61

Վրաստանը ժամանակավորապես փակում է Ռուսաստանի հետ սահմանը

  • 68