Ամերիկյան «Ընկերներ» սիրված հեռուստասերիալի պրոդյուսեր և համահեղինակ Մարթա Կաուֆմանը ներողություն է խնդրել սերիալի դերասանական կազմում սևամորթ արտիստներ չունենալու համար, հայտնում է LA Times-ը։
«Վերջին 20 տարում ես շատ բան եմ գիտակցել։ Մեղքը գիտակցելն ու այն ընդունելը հեշտ չէ։ Ես ամաչում եմ, որ չգիտեի այդ մասին 25 տարի առաջ», - խոստովանել է Կաուֆմանը:
Նա ներողություն է խնդրել հեռուստաշոուում ռասայական բազմազանության բացակայության համար և հավելել, որ 4 միլիոն դոլար կնվիրաբերի իր հայրենի Բոստոնի Բրանդեյսի համալսարանին: Միջոցները կուղղվեն Ասիայի և Աֆրիկայի երկրների հետազոտությունների ամբիոնում պրոֆեսորական կոչում ստեղծելուն:
Նախկինում հաղորդվել էր, որ սիթքոմի դերասան Մեթյու Փերին հուշագրություն է գրել «Ընկերներ»-ի մասին: