տուր
01 Հունվար 1970 - 20:58
- Իտալիայի Ա սերիայի 2018/19 խաղարկությունն այս անգամ շատ հետաքրքիր ստացվեց: Ճիշտ է՝ չեմպիոնական պայքարում կրկին մրցակցություն չեղավ, ու «Յուվենտուսը» նվաճեց իր 8-րդ անընդմեջ «սկուդետոն», Ռոնալդուն էլ իր առաջին մրցաշրջանում կարողացավ բացառիկ արդյունք գրանցել՝ հաղթել Իսպանիայի, Իտալիայի և Անգլիայի առաջնություններում: Անչելոտիի «Նապոլին» կայուն խաղ ցուցադրեց, բայց «Յուվենտուսի» համար դժվարություններ չստեղծեց: Ամենահետաքրքիր պայքարը ծավալվեց լավագույն քառյակի համար՝ «Ինտերի», «Միլանի», «Ռոմայի» և «Ատալանտայի» միջև: «Ատալանտան» իր պատմության մեջ առաջին անգամ նվաճեց Չեմպիոնների լիգայի ուղեգիր, իսկ Իտալիան ներկայացնող 4-րդ թիմը ՉԼ-ում կլինի «Ինտերը»:
Եվրոպա լիգայի խմբային փուլի ուղեգիր նվաճեցին «Միլանը» և Իտալիայի գավաթակիր «Լացիոն»: «Ռոման» մրցաշարը պետք է սկսի որակավորման փուլից:
Բ Սերիա տեղափոխվեցին «Էմպոլին», «Ֆրոզինոնեն» և «Կիևոն», իսկ հակառակ ուղղությամբ շարժվեցին «Բրեշիան» ու «Լեչեն»: Ա սերիայի 3-րդ ուղեգրի համար պայքարում են «Բենեվենտոն», «Պեսկարան», «Վերոնան», «Սպեցիան», «Ցիտադելան» և «Պերուջիան»:
Իտալիայի առաջնության տարվա լավագույն ֆուտբոլիստ ճանաչվեց Կրիշտիանու Ռոնալդուն` խփած 21 գոլով:
Ա սերիայի լավագույն ռմբարկուի կոչումը նվաճեց «Սամպդորիայի» 36-ամյա հարձակվող Ֆաբիո Կվալյարելան, որը կարողացավ դառնալ 26 գոլի հեղինակ: Ամենաշատ գոլային փոխանցում կատարած ֆուտբոլիստը «Նապոլիի» աստղ Դրիս Մերտենսն է՝ 11 ասիստով:
«Ոսկե ձեռնոց» մրցանակին արժանացավ «Ինտերի» դարպասապահ Սամիր Հանդանովիչը, որն իր դարպասն անառիկ է պահել 17 խաղում:
Իսպանական Լա լիգա 2018/19. լավագույն քառյակը, հաղթողներն ու պարտվողները
Գերմանական Բունդեսլիգա 2018/19. լավագույններն ու վատագույնները
Պրեմիեր լիգա 2018/19. Լավագույն քառյակը, բոլոր մրցանակակիրները, հաջողակներն ու անհաջողակները
Եվրոպական առաջնությունների մրցանակակիրներն ու անհաջողակները
Լիգա 1 2018/19. ՊՍԺ-ի մենիշխանությունը, «Մոնակոյի» փրկությունն ու մյուս թիմերի ցուցանիշները
