Հայաստանի ազգային հավաքականի նախկին կիսապաշտպան Հենրիխ Մխիթարյանը, որը հուլիսի 1-ին ազատ գործակալի կարգավիճակ է ստացել, տեղափոխվել է Միլանի «Ինտեր»՝ տեղեկացնում է Ա Սերիայի պաշտոնական կայքը:
Ա Սերիան մրցաշարի տեղեկագրում գրանցել է Մխիթարյանին որպես միլանյան ակումբի խաղացող:
Ավելի վաղ հաղորդվում էր, որ Մխիթարյանը 2 տարվա պայմանագիր է կնքել «Ներաձուրիների» հետ: Ոչ պաշտոնական տվյալներով՝ Հենրիխի տարեկան աշխատավարձը կկազմի 3,5 միլիոն եվրո:
Հիշեցնենք՝ Մխիթարյանը 2019 թվականից էր խաղում «Ռոմայում»: