«Ֆիորենտինայի» ավագ Դավիդե Աստորին այսօր առավոտյան հանկարծամահ է եղել Ուդինեի հյուրանոցում։ 31-ամյա ֆուտբոլիստը հեռացել է կյանքից քնած ժամանակ։
Այս ցավալի նորությունից հետո Իտալիայի ֆուտբոլի ֆեդերացիան որոշում է կայացրել հետաձգել 27-րդ տուրի 7 հանդիպումները՝ «Տորինո»-«Կրոտոնե», «Բենեվենտո»-«Վերոնա», «Ատալանտա»-Սամպդորիա», «Կիևո»-«Սասուոլո», «Միլան»-«Ինտեր», «Ջենոա»-«Կալյարի» և «Ուդինեզե»-«Ֆիորենտինա»։
Հանդիպմումների անցկացման նոր ժամկետների մասին ոչինչ չի հաղորդվում։ Սակայն Իտալիայում բոլոր սպորտային իրադարձությունները կսկսվեն 1 րոպե լռությամբ։