Իտալիայի ֆուտբոլի ֆեդերացիան իր նիստում որոշել է փոխել Ա Սերիայի կանոնակարգը և անցկացնել «Ոսկե խաղ»՝ սկսած 2022/23 մրցաշրջանից՝ հայտնում է Football Italia-ն։
«Ոսկե խաղ» կանցկացվի, եթե վերջին տուրից հետո առաջին տեղը հավասար միավորներով կիսեն 2 թիմ։
Եթե «Ոսկե խաղն» ավարտվի ոչ-ոքի, ապա հիմնական ժամանակից հետո անմիջապես կնշանակվի 11-մետրանոց հարվածաշար: Այս սկզբունքը կգործի միայն չեմպիոնության համար պայքարում:
Ա Սերիայի 2021/2022 մրցաշրջանում հաղթող էր դարձել «Միլանը», որը 2 միավորով գերազանցել էր «Ինտերին»: