«Չելսիի» սեփականատեր Ռոման Աբրամովիչը ցանկանում է «Ինտերի» հարձակվող Ռոմելու Լուկակուին տեսնել իր թիմում՝ հաղորդում է Eurosport-ը:
Աղբյուրի տեղեկություններով՝ «Չելսին» պատրաստվում է ամռանը լուրջ տրանսֆերներ կատարել՝ ամրապնդելով ինչպես պաշտպանությունը, այնպես էլ կիսապաշտպանության ու հարձակման գիծը:
Ռուս գործարարը վստահ է՝ Լուկակուն իդեալական հարձակվող է ու համապատասխանում է «Չելսիին»: Ըստ Աբրամովիչի՝ Լուկակուի ժամանումով «Չելսիի»՝ Պրեմիեր լիգայում հաղթելու հնարավորությունն ավելի մեծ կլինի:
Լուկակուն «Չելսիում» հանդես է եկել 2011-14 թվականներին՝ անցկացնելով 15 խաղ:
