Հայաստանի հավաքականի և «Հոֆենհայմի» կիսապաշտպան Սարգիս Ադամյանը մեկնաբանել է Եվրոպա լիգայի խմբային փուլի 3-րդ տուրում «Սլովանի» դարպասը խփած 2 գոլն ու իր թիմի հաղթանակը:
«Հրաշալի զգացում է 2 գոլ խփելը: Սակայն ես չեմ ցանկանում ժամանակից առաջ անցնել, չափազանցնել ամեն ինչ. սա դեռ սկիզբն է, սա ընդամենը Եվրոպա լիգայում իմ 2-րդ խաղն է, ու ես ավելիին եմ սպասում», – Ադամյանի խոսքերն է փոխանցում գերմանական ակումբի մամուլի ծառայությունը:
