«Հոֆենհայմի» և Հայաստանի հավաքականի հարձակվող Սարգիս Ադամյանը կտեղափոխվի Բունդեսլիգայի մեկ այլ ակումբ՝ «Քյոլն»՝ հայտնում է Kölnische Rundschau պարբերականը:
29-ամյա հայ ֆուտբոլիստն այսօր Դոնաուեշինգեն քաղաքում կմիանա «Քյոլնին»՝ մասնակցելու թիմի ուսումնամարզական հավաքին:
Ադամյանը 2021/2022 մրցաշրջանի 2-րդ հատվածը վարձավճարով անցկացրել էր «Բրյուգեում» և դարձել Բելգիայի չեմպիոն: Նրա պայմանագիրը «Հոֆենհայմի» հետ գործում է մինչև հաջորդ տարվա ամառ:
