Ադել անունը բոլորի շուրթերին է վերջին մեկ ամսվա ընթացքում. դա զարմանալի չէ, քանի որ երգչուհին պատրաստվում է թողարկել 6 տարվա ընթացքում առաջին ալբոմը, որը կոչվում է «30»: Սկավառակի պրեմիերան կայացել է կենդանի համերգի ժամանակ, որին հաջորդել է նույնքան սպասված հարցազրույցը Օփրա Ուինֆրիի հետ, որում երգչուհին նախ կիսվել է իր նախկին ամուսնու՝ Սայմոն Կոնեկիից աղմկահարույց ամուսնալուծության մանրամասներով։ Ի դեպ, շոուն ավելի շատ մարդ է դիտել, քան Օսկարի վերջին արարողությունը։ Սկավառակը վերջապես կթողարկվի (թողարկումը նախատեսված է նոյեմբերի 19-ին):
Նախքան այդ, Ադելը ալբոմի թողարկման երեկույթ է կազմակերպել, որին հրավիրել է իր ամենամտերիմ ընկերներին։ Միջոցառմանը Ադելը ներկայացել է Oscar de la Renta-ի շքեղ մինի զգեստով՝ ասեղնագործված փայլուն ծաղկային նախշերով։