«Զալցբուրգի» հարձակվող Կարիմ Ադեյեմին որոշում է կայացրել տեղափոխվել Դորտմունդի «Բորուսիա»:
Ինչպես հաղորդում է հայտնի ինսայդեր Ֆաբրիցիո Ռոմանոն, 20-ամյա ֆուտբոլիստը նույնիսկ մերժել է «Բարսելոնային»: Ադեյեմին վստահ է, որ «մեղուների» ճամբար տեղափոխվելով՝ պրոֆեսիոնալ աճ կգրանցի:
Ընթացիկ մրցաշրջանում ավստրիական թիմի կազմում երիտասարդ գերմանացին անցկացրել է 31 հանդիպում, խփել 18 գոլ ու կատարել 4 ասիստ:
Ադեյեմիի՝ «Զալցբուրգի» հետ գործող պայմանագրի ժամկետը նախատեսված է մինչև 2024 թվականի հունիսի 30-ը: