«Զալցբուրգի» հարձակվող Կարիմ Ադեյեմին կարիերան կշարունակի Դորտմունդի «Բորուսիայում»: Sky Germany-ի հաղորդմամբ՝ 20-ամյա ֆուտբոլիստը պայմանագիր է համաձայնեցրել «մեղուների» հետ: Նշվում է, որ պաշտոնական հայտարարություն կլինի, երբ կողմերը վերջնական ձևակերպեն գործարքը:
Դորտմունդյան թիմում կարծում են, որ երիտասարդ ֆուտբոլիստը կկարողանա հաջողությամբ փոխարինել Էրլինգ Հալանդին, որը, ամենայն հավանականությամբ, հեռանալու է ամռանը:
Ընթացիկ մրցաշրջանում ավստրիական թիմի կազմում Ադեյեմին անցկացրել է 39 հանդիպում՝ դառնալով 20 գոլի և 5 ասիստի հեղինակ: